آمریکا ایله میصیر آراسیندا ایستراتژیک دیالوق

آمریکا ایله میصیر آراسیندا 2009-جی ایلدن بو یانا ایلک ایستراتژیک دیالوق ...
آمریکا خاریجی ایشلر ناظیری کری، ایران ایله الده نوکلئر راضیلاشما موضوعسوندا یاخین شرق اؤلکه‌لرینی ساکیتلشدیرمه تورونا میصیردان باشلادی.
کری، آمریکا ایله میصیرین ایکیطرف‌لی علاقه‌لرده یئنی‌دن ساغلام زمینه دؤندوک‌لرینی سؤیله‌دی.
کری، 2009-جی ایلدن بویانا ائدیلن ایلک ایستراتژیک توپلانتیدا، میصیرین اورتا شرقین ثابت‌لیک و گوونلیگی اوچون حیاتی اهمیت داشیدیغینی ایفاده ائتدی.
اینسان حاق‌لاری موضوعسوندا قایغی‌لاری‌نین سوردوگونو یازان کری، "آنجاق بیرلیکده ایشله‌ممیز لازیم اولان چوخ موضوع وار" دئدی.
وین‌ده راضیلاشمانین ایرانین نوکلئر سلاحینا صاحب اولماسینی اؤنله‌دیگینی ساوونان کری، بو راضیلاشمانین حیاتا کئچیریلمه‌سی حالیندا یاخین شرق بؤلگه‌سی‌نین اسکی‌دن داها اعتبارلی بیر یئر حالینا گله‌جگینی سؤیله‌دی.
میصیر خاریجی ایشلر ناظیری سمیه شوکری ده، واشنیگتون ایله گؤروش آیریلیغیمیز دئییل، گؤروش فرق‌لیلیک‌لریمیز وار" ایفاده‌سینی ایستیفاده ائتدی.
کری، قاهیره‌ده میصیر دولت باشقانی عبدل الفتاح سیسی طرفین‌دن ده قبول ائدیلدی.
آمریکا خاریجی ایشلر ناظیری، قاهیره‌دکی گؤروشمه‌لری اثناسیندا اینسان حاق‌لاری و میلیتان‌لارلا مباریزه آراسیندا تارازلیق یارادیلماسی لازیم اولدوغونو سؤیله‌دی.
میصیرده سیسی‌نین تشکیل ائتدیگی نیظامی کودتا‌نین آردین‌دان چیخان حادثه‌لرده مسلمان قارداش‌لار طرفداری 1000‌دن چوخ آدام اؤلدورولدو. میصیر اوردوسو دا سینا یاریماداسیندا القاعده علاقه‌لی تشکیلات‌لارین سالدیری‌لاریندا یوزلرله عسگرینی ایتیردی.