آمریکا: کابوس نهایت سونا چاتدی
نیویورک اوستانداری اندرو کومو تشکیل ائتدیگی مطبوعات کونفرانسیندا "کابوس نهایت سونا چاتدی" دئدی
کابوس نهایت سونا چاتدی
آمریکانین نیویورک ایالتینده، یوکسک گوونلی کلینتون زینداندان 6 ژوئنده قاچان ایکی محکوم اوچون باشلادیلان اینسان اووو، بیر محکومون اؤلو، دیگرینین ده 23 گون سونرا یارالی اولاراق اله کئچیریلمهسی ایله سونا چاتدی.
نیویورکدا، زیندانین اولدوغو دانمورا قصبهسیندن باشلایان اینسان اووو، 49 یاشینداکی ریچارد ماتین 26 ژوئنده، بیر گؤمروک و مرز نظارت آژانسینین آچدیغی آتش نتیجهسینده باشیندان وورولاراق اؤلو اله کئچیریلمهسی و 35 یاشینداکی دیوید اسوید ده یارالی اولاراق اله کئچدیکدن سونرا نتیجهلندی .
21 ایللیک گوونلیک ایشچیسی کومیسار معاوینی جی کوکون، ایکی ال آتش ائدهرک یارالادیغی اسویت، آلبانی طیب مرکزینده معالیجه آلتینا آلیندی. اسویت-ین ساغلیق وضعیتی ایسه کریتیک.
نیویورک اوستانداری اندرو کومو تشکیل ائتدیگی مطبوعات کونفرانسیندا "کابوس نهایت سونا چاتدی" دئدی.
یارالی اله کئچیریلن اسویت-ین، 2002-جی ایلده بیر شریف کؤمکچیسینی اؤلدورمکدن اؤمورلوک، اؤلو اله کئچیریلن مات-ین ده 1997ده بیر آدامی قاچیریب، دؤیهرک اؤلدورمکدن 25 ایل زیندان جزاسی وار ایدی
ایلگیلیلی خبرلر
فرانسهده مسجیده عرقچی هوجوم
لیونون ان قدیم مسجیدی اولان کروا-رُز سمتیندهکی قبا مسجیدینه عرقچی هوجوم ائدیلیب