ایسپانیادا میللت صاندیق باشینا گئتدی
صاندیق چیخیش آنکتلرینه گؤره، اقتدارداکی محافیظهکار ساغ فیکیرلی خالق پارتیسی ان چوخ سس آلان پارتی اولدوسا دا، اهمیتلی شهرلرده اکثریتی ایتیردی
ایسپانیادا دونن اولان یئرلی سئچیملرده، 35 میلیون قیدلی سئچیجی، 8 مین 122 بلدیه، 13 اوتونوم رهبرلیک و مراکش تورپاقلاریندا اولان آنجاق ایسپانیایا باغلی اولان سئوتا و ملیلیا شهر مجلیسلری اوچون صاندیغا گئتدی.
صاندیق چیخیش آنکتلرینه گؤره، اقتدارداکی محافیظهکار ساغ فیکیرلی خالق پارتیسی ان چوخ سس آلان پارتی اولدوسا دا، اهمیتلی شهرلرده اکثریتی ایتیردی.
پارتینین قالالاری اولاراق بیلینن مادرید و والنسیا بونون ان دقیق نومونهسی.
دیگر طرفدن مخالیف پارتیلر پودموس و جیودادانوس راینی بؤیوک نیسبتده آرتیردی.
پودموس، 2008-جی ایلده باشلایان اقتصادی بحران سونراسی اورتایا چیخان بیر خالق حرکتینین سیاسی داوامی اولاراق بیلینیر. پارتی، صاندیق چیخیش آنکتلرینه گؤره، پایتخت مادرید و اؤلکهنین 2-جی بؤیوک شهری بارسلوناداکی بلدیه رایلرینی آرخاسینا آلمیش کیمی گؤرونور.
سیودادانوس ایسه 2006-جی ایلده کاتالونیادا اورتایا چیخمیش و ایلک دفعه اؤلکه ایچینده بو ایل سئچیملرده قاتیلمیشدی.
یئرلی سئچیملر، ایل سونوندا کئچیریلمهسی نظرده توتولان عمومی سئچیملر اوّلینده، سیاسی پارتیالر اوچون اهمیتلی بیر گؤستریجی اولاراق گؤرولور.