ایسپانیا سناسی، ارمنی ادعا‌لاری تکلیفینی رد ائتدی

ایسپانیا سناسی، 1915 اولایلاریلا ایلگیلی ارمنی ادعا‌لارینی ساوونان تکلیفی رد ائتدی.
حکومته توصیه کاراکتری داشییان تکلیف، 130 "یوخ"، 68 "طرفسیز" و 14 "اولور" اویویلا رد ائدیلدی.
ایسپانیادا اقتداردا اولان خالق پارتیسی، سس‌وئرمه‌ده "یوخ" اویو ایستیفاده ائدن تک سیاسی پارتی اولدو.
اویلاما زامانی سؤز آلان خالق پارتیسی سناتورو خوزه ماریا چیکییو، اؤزلرینی تاریخچی‌لرین و یا محکمه‌نین یئرینه قویامایاجاق‌لارینی ایفاده ائتدی.
سناتور چیکییو؛
"بو ادعا‌لاری 22 اؤلکه‌نین تانیدیغینی مدافعه ائدیرسینیز. من ده سیزه 168 اؤلکه تانیمادی. بونا نه جاواب وئریرسینیز؟ دئییرم. سوی‌قیریم ائله راخات آغیزا آلینا‌جاق بیر سؤز دئییل. تاریخی و حقوقی بیر مسئله‌دیر" دئدی.
اؤته یاندان تورکیه‌نین مادرید ائلچیسی عمر اؤن‌هون، ایسپانیانین بو قونویا غرضسیز یاناشماسی‌نین باشقا آوروپا بیرلیگی اؤلکه‌لرینه ده نومونه اولماسی لازیم اولدوغونو ایفاده ائتدی.