تورکیه: آمریکانین توتوموندا بیر دییشیکلیک یوخ
آمریکا بیرلشیک دولتلریندکی گؤروشمهلرینی تاماملایان چاووش اوغلو، واشینگتوندان آیریلمادان اوّل، ت.ر.ت-ین زیارته باغلی سواللارینی جوابلادی
تورکیه خاریجی ایشلر ناظیری مولوت چاووش اوغلو، واشینگتون رهبرلیگینین 1915 حادثهلرینه یؤنلیک توتوموندا بیر دییشیکلیک تصوراتی آلمادیغینی سؤیلهدی.
آمریکا بیرلشیک دولتلریندکی گؤروشمهلرینی تاماملایان چاووش اوغلو، واشینگتوندان آیریلمادان اوّل، ت.ر.ت-ین زیارته باغلی سواللارینی جوابلادی.
همکاری جان کری ایله گؤروشن چاووش اوغلو؛
- ' بیزیم گؤروشمهلریمیزده الده ائتدیگیمیز تصورات آمریکانین توتوموندا، آمریکا رهبرلیگینی توتوموندا ائله بیر جدی فرقلیلیک یوخدور فرقلیلیک ده اولمایاجاغی ایستیقامتینده اما اساس 24 آوریلده، اوبامانین آچیقلاماسیندا گؤرجگیک اما بیز هر هانسی بیر دییشیکلیک فیکیری آلمادیق. ' دئدی.
ارمنیستانا یؤنلیک مثبت چاغیریسینی دا تکرارلایان چاووش اوغلو؛
- ' بیز تورکیه اولاراق بو گونه قدر اینسانی یاناشمامیزلا ارمنیستان ایله بو موضوعلاری ایکی اؤلکه اولاراق حل ائتمه آرزوموزو اونسوز دا گؤستردیک.ارمنیستان و ارمنی لوببیلری بو ایل، 1915 حادثهلرینین 100نجو ایلدؤنومونده تأسف کی، پارلامنتلر و سیاستچیلر اوزرینده باسقی قوراراق قرارلار آلدیرماغا چالیشیر اما بونون ارمنیستانا یا دا 1915-جی ایلده مسلمانی ایله ارمنیس ایله بو اؤلن اینسانلار اوچون بیر فایداسی یوخدور. بیزیم آرزوموز بو آنما مراسیملرینی ده بیرلیکده ائدک. بو آنلاییش اولسون ' دئدی.
سوریهلی مخالیفلره یؤنلیک اؤغرد- تجهیز ائت پروقرامینین گلهجک آی باشلایاجاغینی دا خاطیرلادان چاووش اوغلو، سوریهده سیاسی حلّ تامین ائدیلمهدن پروبلملرین هئچ بیرینین حلّ ائدیله ده سؤیلهدی.
چاووش اوغلو، خاریجی دؤیوشچولری دایاندیرما موضوعسوندا آمریکا بیرلشیک دولتلری ایله امکداشلیق آنلاشماسی ایمضالاناجاغینی دا آچیقلادی.