آمریکادا روس جاسوسو ادعاسی
نیویورکدا بیر روس بانکیندا چالیشدیغی آچیقلانان ائوگنی بوریاکووون حاکم قارشیسینا چیخماسی گؤزلنیلیر
آمریکا، روسیا آدینا جاسوسلوق ائتمک و "قایناق" توپلاماغا چالیشماقلا سوچلادیغی بیر روسیا وطنداشینی گؤز آلتینا آلدی.
نیویورکدا بیر روس بانکیندا چالیشدیغی آچیقلانان ائوگنی بوریاکووون حاکم قارشیسینا چیخماسی گؤزلنیلیر.
بورکایووا یؤنلدیلن اتهاملار آراسیندا آمریکانین روسیا بانکلارینا قارشی اولاسی تحریملری و آلترناتیو انرژی قایناقلاری آراییشییلا علاقهلی استخبارات توپلاماغا چالیشماق وار.
جاسوسلوق شبکهسینه قاتیلانلار آراسیندا بؤیوک شیرکتلرده چالیشان و نیویورکداکی بؤیوک بیر اونیورسیته ایله باغلاری اولان شخصلر اولدوغو ایفاده ائدیلدی.
آمریکا ایله ایش یئریدن 2 روسیا وطنداشی داها عینی سوچلاما ایله آختاریلیر.
بو شخصلرین گئچمیشده آمریکادا روسیا حکومتی آدینا چالیشدیقلاری ادعا ائدیلیر.
آمریکا فدرال سوروشدورما بیروسو افبیآیین یئریتدیگی سوروشدورمانین، 2010.جو ایلده، آمریکادا روسیا آدینا جاسوسلوق ائتدیگی سببیله 10 روسون سینیردیشی ائدیلدیگی حادثه ایله باغلانتیلی اولدوغو آچیقلاندی.