پوروشنکو پوتین ایله تلفوندا گؤروشدو
اوکراین دولت باشقان‌لیغی مطبوعات اوفیسن‌دن ائدیلن آچیقلامادا، پوروشنکونون پوتین ایله ائتدیگی تلفون گؤروشمه‌سینده، مینسکده اوچلو تماس قروپونون استیشاره‌لری‌نین آردین‌دان ایمضا‌لانان باریش پروتوکولونا باغلی فیکیر آلیش-وئریشینده اولدوغو ایفاده ائدیلدی
پوروشنکو پوتین ایله تلفوندا گؤروشدو
اوکراینین شرقینده جمعه گونو آتشکس اعلان ائدیلمه‌سی‌نین آردین‌دان اوکراین دولت باشقانی پترو پوروشنکو و روسیا دولت باشقانی ولادیمیر پوتین دونن آخشام بیر تلفون گؤروشمه‌سی ائتدی.
اوکراین دولت باشقان‌لیغی مطبوعات اوفیسن‌دن ائدیلن آچیقلامادا، پوروشنکونون پوتین ایله ائتدیگی تلفون گؤروشمه‌سینده، مینسکده اوچلو تماس قروپونون استیشاره‌لری‌نین آردین‌دان ایمضا‌لانان باریش پروتوکولونا باغلی فیکیر آلیش-وئریشینده اولدوغو ایفاده ائدیلدی.
آچیقلامادا، تلفون گؤروشمه‌سینده، ایکی اؤلکه دولت باشقان‌لاری دا، طرف‌لر آراسیندا تامین ائدیلن آتشکس مدتینه عمومیتله رعایت ائدیلدیگی موضوعسوندا راضی قالدیق‌لارینی دیله گتیردیک‌لری قید ائدیلدی. آچیقلامادا، پوروشنکو و پوتین‌ین، آتشکس مدتی‌نین داواملی‌لیق قازانماسینا یؤنلیک آتیلا‌جاق آددیم‌لار موضوعسونو اله آلدیغی بیلدیریلدی.
طرف‌لرین، آتشکس پروسه‌سی‌نین ایداره ائدیلمه‌سی و وضعیتین موشاهیده اولونماسی پروسه‌سینه اوروپا ایش بیرلیگی تشکیلاتینین داخیل ائدیلمه‌سی لازیم اولدوغونو دیله گتیردیگی‌نین ایفاده ائدیلدیگی آچیقلامادا، آیریجا اینسانی یاردیم‌لارین بؤلگه‌یه چاتدیریلماسی موضوعسوندا امکداش‌لیق مسئله‌لرینی نظردن کئچیردیگی ایفاده ائدیلدی.
بلاروسون باشکندی مینسکده جمعه گونو بیر آرایا گلن "اوکراین-روسیا-اوروپا ایش بیرلیگی تشکیلاتینین" اوچلو تماس قروپو توپلانتیسینا قاتیلان اوکراین اسکی دولت باشقانی لئونید کوچما، روسیانین کیئف سفیری میخایل زورابوو ایله لوگانسک و دونتسک خالق جمهوریت‌لری مسئول‌لاری، ساعات 18.00 اعتباریله آتشکسین اعلان ائدیلمه‌سی و گیروو‌لارین دییشمه‌سینه باغلی اؤن پروتوکول ایمضالامیشدی. بونون آردین‌دان دولت باشقانی پترو پوروشنکو دا، اوکراین سلاحلی گوج‌لرینه ساعات 18.00 اعتباریله آتشکس امری وئردیگینی آچیقلامیشدی.
