روسیا اوکراینا توپراقلارینا اجازهسیز گیردی
اوکراینا خاریجی ایشلر باخانلیغی، اولایی "اوکراینایا بیرباشا سالدیری" اولاراق کاراکتریزه ائتدی
روسیانین کؤمک قافلهسی اوکراینایا گیردی.
روس اینسانی یاردیم قافلهسی، موسکوا ایله کیئو آراسیندا ۱۲ گون داوام ائدن یازیشمالاردان سونرا اوکراینا تورپاقلارینا گیردی. کیئو رهبرلیگینین کؤمک قونوسونو سورونجهمهده توتوغونو اعلان ائدن روسیا، قافلهنین گیریشینه تک طرفلی اولاراق قرار وئردی.
قرار، اوکراینا طرفیندن تپکی ایله قارشیلاندی. خاریجی ایشلر باخانلیغی، اولایی "اوکراینایا بیرباشا سالدیری" اولاراق کاراکتریزه ائتدی. تریلرلرین اؤلکهیه گیریشینه ایجازه وئریلمدیگی، قافلهنین سرحدی پوزاراق اؤلکهیه گیردیگی ایفاده ائدیلدی.
کیئو، یاشانانلارلا ایلگیلی موسکوانی سوچلادی. اولوسلارآراسی توپلومو روسیانین یاسادیشی حرکتلرینی قیناماغا چاغیردی.
اینسانی کؤمک قافلهسینه اولوسلارآراسی قیزیل خاچ کمیتهسی بیلهلیک/موشاییت ائتمهدی. قیزیل خاچ، لوگانسکین داواملی بومبالاندیغی و ضمانت آلابیلمدیکلری اوچون آراجلارا بیلهلیک ائتمدیکلرینی آچیقلادی. تریلرلره آیریلیقچی قروپلارین اسکورتلوق ائتدیگی بیلدیریلدی.
حادثهیه آوروپا بیرلیگیندن تپکی گلدی. آوروپا بیرلیگی خاریجی ایشلر یوکسک نمایندهسی کاترین آشتون، قافلهلرین گیریشینین آچیق بیر پوزونتو اولدوغونو سؤیلهدی.