آلمان ناظیردن تورکیه‌یه تعریف و قدیردانلیق
آیدان اؤزوغوز تورکیه‌نین سوریه‌لی قاچقین‌لارا قوجاق آچماسی‌نین هر جور تقدیره دگر اولدوغونو سؤیله‌دی
آلمان ناظیردن تورکیه‌یه تعریف و قدیردانلیق
آلمانیانین تورک اصیل‌لی گؤچ و اویوم‌دان مسئول دولت ناظیری آیدان اؤزوغوز، تورکیه‌نین سوریه‌لی قاچقین‌لارا قوجاق آچماسی‌نین هر جور تقدیره دگر اولدوغونو سؤیله‌دی.
ناظیر اؤزوغوز، آلمانیا پرزیدنتی یواخیم گاوک-ون قهرامانماراش سفرلری چرچیوه‌سینده سوریه‌لی قاچقین‌لارین سیغیندیغی چادیر شهر و آلمان عسگرلرین وظیفه ائتدیگی پاتریوت حرکات بیرلیگینی زیارت ائتدی. آلمانیا فدرال حکومتین‌دکی ایلک تورک کؤکنلی باخان اولان اؤزوغوز، دوشرگه‌دکی شرط‌لرین اولدوقجا یاخشی اولدوغونو و تورکیه‌نین قاچقین‌لار موضوعسوندا اوزرینه دوشن هر جور اینسانی وظیفه‌نی یئرینه یئتیردیگینی ایفاده ائتدی.
بیر اؤلکه‌نین قیسا بیر مدت ایچری‌سینده 900 مین اینسانی اؤلکه‌سینه آلماسی‌نین آسان بیر شئی اولمادیغینی ایفاده ائدن ناظیر اؤزوغوز، تورکیه‌نین سوریه‌لی قاچقین‌لارا ائتدیگی کؤمک‌لرین‌دن اؤتری تبریک ائتمک لازیم اولدوغونو سؤیله‌دی.
اؤزوغوز، آلمانیانین دا بو کمکه ائده‌جگی قاتقینی دوشونمه‌سی لازیم اولدوغونو قید ائتدی.
ایلگیلی‌لی خبرلر
کنیسه‌نی یاندیرماغا چالیشان شخص اؤلدورولدو
فرانسادا پلیس، بیر کنیسه‌نی یاندیرماغا چالیشدیغی ادعا ائدیلن شخصی اؤلدوردو
کنیا-دا داشقین‌لاردا 290-دان چوخ اینسان اؤلوب
کنیا-دا داشقین‌لاردا اؤلن‌لرین سایی 291-ا یوکسلیب، 75 نفر ایتکین دوشوب، داها 188 نفر یارالانیب.
