اردوغان: تورکیه آتیلیملارییلا دیللرده
جمهورباشقانی اردوغان، تورکیهنین ساواشلار و گرگینلیکلرله دولو بیر جغرافیادا ثابتلیک آنیدی اولاراق اولدوزو پارلایان بیر اؤلکه اولدوغونو سؤیلهدی
جمهورباشقانی رجب طیب اردوغان،
"تورکیه عسگری، دیپلوماتیک، اقتصادی و سیاسی آتیلیملارییلا اؤزوندن سؤز ائتدیریر" دئدی.
اردوغان، ایستانبولدا دنیز حرب اوخولو دیپلوم و بایراق مراسیمینده دانیشدی.
جمهورباشقانی اردوغان، تورکیهنین ساواشلار و گرگینلیکلرله دولو بیر جغرافیادا ثابتلیک آنیدی اولاراق اولدوزو پارلایان بیر اؤلکه اولدوغونو سؤیلهدی.
اردوغان،
"دونیانین ان استراتژیک ۲ کانال اولان ایستانبول و چاناققالا بوغازلارینا صاحیبیک. روسیا-اوکراینا آراسیندا باشلایان چاتیشمالارلا بیرلیکده بوتون اینسانلیغین گؤزو عادتا قارادهنیزه چئوریلدی. آغ دنیز، قلوبال تیجارتده اوینادیغی حساس رولون یانیندا ایچینده ساخلادیغی انرژی قایناقلارییلا اؤنه چیخیر. بیر عصر اؤنجه بؤیوک گوجلرین رقابت ساحهسی اولان بؤلگهمیز، بو گون ده عینی موباریزهلره صحنه اولور. خائوسون و بیلینمزلیگین آرتدیغی بیر معادلهده تورکیه، عسگری، دیپلوماتیک، اقتصادی و سیاسی آتیلیملارییلا اؤزوندن سؤز ائتدیریر" دئیه دانیشدی.
رجب طیب اردوغان، تورکیهنین ساواش گمیسی تکنولوژیسینده ده اؤز گمیسینی حاضرلایان، گلیشدیرهن، اینشا و ادامه ائدهبیلهن ۱۰ اؤلکهدن بیری اولدوغونو ایفاده ائدرک،
"آوریل آییندا خیدمته آلدیغیمیز دونانمامیزین آدمیرال گمیسی تجگ آنادولو ایله بو ساحهده یئنی بیر لیگه یوکسلدیک. بایراقدار تب۳ سیها، قیزیل آلما و حورجت یونگول هوجوم اوچاغیمیزین ائنیش قالخیش ائدهبیلهجگی بیر سیها گمیسینه صاحب اولدوق" ایفادهلرینی ایشلتدی.
ایلگیلیلی خبرلر
هیندیستان بالیستیک موشک سینادی
هیندیستان ساوونما باخانلیغی، کریستال میز-۲نین سیناق آتیشینین باشارییلا ایجرا ائدیلدیگینی بیلدیردی