۴ آسترونوت، اولوسلارآراسی اوزای مرکزینه چاتدی
آمریکا بیرلشمیش دؤولتلری میللی هاواچیلیق و اوزای دایرهسینین "کرو-۷" وظیفهسینی گئرچکلشیرجک ۴ آسترونوتون یئر آلدیغی "کرو دراگون" کپسولو، ۱ گون داوام ائدن سفرین آردیندان هدفینه واردی
اوزای داشیماچیلیغی شیرکتی اسپیس اکس طرفیندن ۲۶ آگوستدا اوزایا گؤندریلهن ۴ آسترونوت، اولوسلارآراسی اوزای مرکزینه چاتدی.
سیانانین خبرینه گؤره، آمریکا بیرلشمیش دؤولتلری میللی هاواچیلیق و اوزای دایرهسینین (ناسا) "کرو-۷" وظیفهسینی گئرچکلشیرجک ۴ آسترونوتون یئر آلدیغی "کرو دراگون" کپسولو، ۱ گون داوام ائدن سفرین آردیندان هدفینه واردی.
ناسادن یاسمین مقبلینین لیدئرلیگیندهکی یئنی قروپدا، آوروپا اوزای آژانسیندان دانمارکلی آندراس موگنسن، ژاپن هاواچیلیق و اوزای کشف آژانسیندان ساتوشی فوروکاوا و روسیا فدرال اوزای آژانسیندان کوسمونوت کونستانتین بوریسوو یئر آلدی.
داها اؤنجه تشکیل ائدیلهن اسپیس اکس وظیفهلری آراسیندا ان قاریشیق اولوسلو قروپون، مارس آییندان بو یانا تخمیناً ۱۹۰ گوندور مرکزده اولان "کرو-۶" آسترونوتلاریندان وظیفهنی آلماسی ۵ گون داوام ائدجک.
آسترونوتلارین مرکزده گئچیردیکلری زامان ایچریسینده، اینسانلی وظیفهلرده باکتری و گؤبهلک یاییلما ریسکینی، میکرواورگانیزملرین مرکزدن وکیوملا اوزایا آتیلماسینی، مرکزده ایستیفاده ائدیلهن سویون گئری دؤنوشومونو یاخشیلاشدیرما اصوللارینی و آسترونوتلارین یوخودایکن بئیین دالغالارینین آشاغی یئرچکیملی اورتامدا دییشمهسینی آراشدیرماسی پلانلانیر.
"کرو دراگون" کپسولو، اسپیس اکسین فالکون ۹ راکتی ایله ۲۶ آگوستدا آمریکانین فلورودا ایالتیندهکی کندی اوزای مرکزیندن یئرلی ساعاتلا ۰۳.۲۷ده آتیلمیشدی.
ایلگیلیلی خبرلر
هیندیستان بالیستیک موشک سینادی
هیندیستان ساوونما باخانلیغی، کریستال میز-۲نین سیناق آتیشینین باشارییلا ایجرا ائدیلدیگینی بیلدیردی