ماسک و زاکربرگ قفسده دؤیوشه‌جک

دونیانین ان مشهور تکنولوژی میلیاردرلرین‌دن ایلان ماسک و مارک زاکربرگ، قفس دؤیوشونده قارشی قارشییا گله‌جک.
ماسک، صاحبی اولدوغو سوسیال مئدیا پلتفورمو توییترده، زاکربرگ ایله "قفس دؤیوشونه حاضر اولدوغونو" ایفاده ائد‌ن بیر توییت پایلاشدی.
فیسبوک و اینستاگرامین آنا شیرکتی متا‌نین صاحبی زاکربرگ داها سونرا ماسکین توییتینین ائکران گؤرونتوسونو "منه قونوم گؤندر" مئساژییلا پایلاشدی.
ماسک ایسه زاکربرگین مئساژینا بو جاوابی وئردی: "وگاس اوکتاگن".
اوکتاگن، اولتیمت فایتینگ چمپیونشپ (یواف‌سی) یاریشلارین‌دا قوللانیلان رینگ و یواف‌سی‌نین مرکزی ایسه لاس وگاس‌دیر.
بو آیین سونون‌دا ۵۲ یاشینا گیره‌جک اولان ماسک آیریجا بو توییتی آتدی:
" 'دنیز آیغیری' آدینی وئردیگیم، رقیبیمین اوزرینه اوزانیب هئچ بیر شئی ائتمه‌دیگیم گؤزل بیر حرکتیم وار. اوشاقلاریمی هاوایا آتماق دیشیندا هاراداسا هئچ مشق ائتمیرم".
بو آرادا، ۳۹ یاشین‌داکی زاکربرگ، قاریشیق دؤیوش صنعتلری (ام‌ام‌ای) درسی آلیر و یاخین زامان‌دا جوجتسو تورنمنتلرینی قازاندی.
پایلاشیملار، سوسیال مئدیا ایستیفاده‌چیلرینین یاریشی کیمین قازاناجاغینا باغلی تخمینلریله وایرال حالا گلدی.