یئنی بنزینلی و دیزل اتومبیللرین ساتیشی یاساقلانیر
۲۰۳۵-جی ایلدهن اعتباراً آوروپابیرلیگینه عضو اؤلکهلرده ساتیلاجاق بوتون یئنی اتومبیللر و یونگول تیجاری آراجلارین صیفیر یایینیملی اولماسی لازیمدیر
آوروپا پارلمانی، آوروپا بیرلیگی اؤلکهلرینده یئنی بنزینلی و دیزل اتومبیللرین ساتیشینین ۲۰۳۵-جی ایلدهن اعتباراً قاداغان ائدیلمهسینی اونایلادی.
فرانسانین استراسبورگ شهرینده تشکیل ائدیلن آوروپا پارلمانی باش قورول توپلانتیسیندا، اتومبیللره و یونگول تجاری داشیدلارا یئنی کربن یایینیم استانداردلاری گتیرهجک لایحه اونایلاندی.
آوروپابیرلیگینین ایقلیم هدفی ایله اویوملو اولاراق یئنی اتومبیللر اوچون سرت کربن یایینیم استانداردلاری تطبیق ائدن قانون، ۳۴۰ «هه»، ۲۷۹ «یوخ» و ۲۱ «طرفسیز» سسی ایله قبول ائدیلدی.
بونا گؤره، ۲۰۳۵-جی ایلدهن اعتباراً آوروپابیرلیگینه عضو اؤلکهلرده ساتیلاجاق بوتون یئنی اتومبیللر و یونگول تیجاری آراجلارین صیفیر یایینیملی اولماسی لازیمدیر.
اتومبیل اۆرهتن شیرکتلر، ۲۰۳۵-جی ایله قدر کربن انتشارینی یۆزده ۱۰۰ آزالداجاقلار. بئلهجه، آوروپا اؤلکهلرینده سؤزو گئدن تاریخدن اعتباراً بنزینلی و دیزل ده داخیل اولماقلا ایچدن یانمالی موتورا صاحیب یئنی اتومبیل ساتیلابیلمهیهجک.
۲۰۳۰-جو ایله قدر یایینیم دۆشورمه هدفی اتومبیللر اوچون یۆزده ۵۵، کامیونلار اوچون ایسه یۆزده ۵۰ اولاجاق.
بیر آراجین بوتون استفاده عؤمرو بویو بوراخاجاغی کربن یایینیملارینی دگرلندیرمک اوچون یئنی متودولوژی حاضرلاناجاق. یایینیم حدی دگرلرینین گئرچک ایستیفادهدهکی یایینیملارلا اویوملو حالا گتیریلمهسی تامین ائدیلهجک.
لایحه، بو مرحلهدن سونرا آوروپا بیرلیگی شوراسی طرفیندن رسمی اولاراق اونایلانماسینین آردیندان آوروپا بیرلیگی رسمی قزئتینده یاییملاناراق قوهده اولاجاق.
سؤزو گئدن لایحه، آوروپا یاشیل آنلاشماسینین بیر پارچاسی اولان و یایینیملاری ۲۰۳۰-جو ایله قدر ان آز یۆزده ۵۵ آزالتماغی هدفلهیهن "۵۵ نسبتینه اویوم" پاکتینده یئر آلان تکلیفلر آراسیندا ایدی.