تورک موشکی 'خان'ین ایلک صادراتی اندونزییه ائدیله‌جک
"ایمضالادیغیمیز آنلاشمالارلا ایلک محصوللاریمیزی یاخین گله‌جک‌ده ایندونزی ساوونما باخانلیغینین خیدمتینه سونموش اولاجاغییق"
تورکیه، اوزون منزیللی توپچو موشکی ‘خان’ین ایلک صادراتینی اندونزییه ائد‌جک.
تورکیه ساوونما صنایعینین آپاریجی موشک و راکت سیستملری ایۆره‌تیچی‌سی اولان روکت‌صان اندونزینین جاکارتا شهرینده گئچیریله‌ن ایندو دفنس اکسپو & فوروم ۲۰۲۲ سرگیسینه قاتیلدی و اؤنملی آنلاشمالار ایمضا آتدی.
روکت‌صان‌ین باش مودور یاردیمچیسی مراد قورتولموش بورادا وئردیگی آچیقلامادا،
"ایمضالادیغیمیز آنلاشمالارلا ایلک محصوللاریمیزی یاخین گله‌جک‌ده ایندونزی ساوونما باخانلیغینین خیدمتینه سونموش اولاجاغییق. ایکی آیری قونو وار. بیرینجی‌سی قورودان قورویا اوزون منزیللی توپچو سیستمی خان. بو سیستم ۲۸۰ کیلومتره قدر مسافه‌ده و ساواش ساحه‌سینین درینلیکلرینده یوکسک دقیقلیکله تأثیرلی اولان اؤنملی بیر سلاح سیستمیدیر. خان سیستمینی ایلک دفعه اندونزی اوردوسونا وئرجییک.
ایکینجی قونو قاتمانلی هاوا ساوونما ایله باغلیدیر. ایندونزی ساوونما باخانلیغینین بونونلا باغلی اختیاجلاری فرقلی ایدی. بونونلا باغلی اولوسلارآراسی ایش اورتاقلاریمیزلا بیرلیکده یئنی بیر مدل گلیشدیردیک. تکنیک و مالی بیر مدل اولوشدورولدو. بورادا قاتمانلی هاوا ساوونما سیستمینه عاید ایلک محصوللارینمیزی اورتا و اوزون منزیللی ۲ آیری سیستم اولاراق سونموش اولاجاغیق. اؤنوموزده‌کی دؤنملرده یاخین هاوا ساوونما سیستملری ایله باغلی دا دانیشیقلاریمیز اولاجاق" دئدی.
ایلگیلی‌لی خبرلر
هیندیستان بالیستیک موشک سینادی
هیندیستان ساوونما باخانلیغی، کریستال میز-۲نین سیناق آتیشینین باشارییلا ایجرا ائدیلدیگینی بیلدیردی
