۵۳ یاشینداکی قادینین دری حجرهلری ۳۰ ایل گنجلشدیریلدی
۵۳ یاشینداکی دری حجرهلرینده داها اؤنجه دولی آدلی کلونلانان قویوندا قوللانیلان تکنیک اولان ایپیسی تکنیکی ایرلیلهدهرک قوللاندی
اینگیلترهدهکی بیلیم اینسانلاری، گلیشدیردیکلری یئنی بیر تکنیک ایله ۵۳ یاشینداکی بیر قادینین دری حجرهلرینی ۳۰ ایل گنجلشدیررک ۲۳ یاشینداکی بیر قادینین حجرلری ایله برابر حالا گتیردی.
اینگیلترهنین کمبریج شهرینده اولان بابراهام انستیتوسوندان پروفسور وولف ریک لیدئرلیگیندهکی بیلم اینسانلاری، گلیشدیردیکلری تکنیک ایله حجرهسل اولاراق بیولوژیک ساعاتی ۳۰ ایل گئرییه آپاردی.
پروفسور ریکین قروپو، ۵۳ یاشینداکی دری حجرهلرینده داها اؤنجه دولی آدلی کلونلانان قویوندا قوللانیلان تکنیک اولان ایپیسی تکنیکی ایرلیلهدهرک قوللاندی.
چالیشمادا الده ائدیلهن حجرهلرین، ۲۳ یاشینداکی بیریندن گلمیش کیمی گؤرونهن و داورانان دری حجرهلرینه چئوریلدیگی معین ائدیلدی.
انستیتودان وئریلهن آچیقلامادا، "قیسماً جاوانلاشان حجرهلر، بیر دری یاراسینی تقلید ائدن سیناقلاردا داها چوخ گنج حجرهلر کیمی داوراندیغینا دایر ایشارهلر گؤستردی" ایفادهلری یئر آلیرکهن علمی چالیشمانین 'تعمیر ائدیجی طبده' بیر دئوریم یارادابیلهجگی وورغولاندی.
کؤک حجرهلر اوزرینده ائدیلهن آراشدیرمانین اوستونه بنا ائدیلهن بو یئنی متودون، کلینیک چالیشمایا داشینمادان اؤنجه گلیشدیریلمهیه داوام ائدیلهجگی ایفاده ائدیلدی.