بئیین چیپینین اینسان سیناقلاری باشلایاجاق

آمریکالی تکنولوژی گیریشیمچیسی ایلان ماسکین نوروتکنولوژی فیرماسی نیورالینک، بئیین چیپینین اینسان سیناقلاری اوچون اونای گؤزلرکن، کلینیک آراشدیرما گؤره‌ولی‌لرینی ایشه آلماغا باشلادی.

شیرکت، بیر کلینیک آراشدیرما مودورو و بیر کلینیک آراشدیرما کوردیناتورو ایشه آلماق اوچون اعلانلار یاییملادی.

اعلانلار، چالیشانلارین ان یئنیلیک‌چی دکترلاردان و ان یاخشی مهندسلردن بعضیلریله و نیورالینکین ایلک کلینیک سیناق قاتیلیمچیلارییلا بیرلیک‌ده چالیشاجاقلارینی ایفاده ائدیر.

نیورالینک، مودورون کلینیک آراشدیرما قروپونا لیدئرلیک ائدجگینی و کؤمکچی اولاجاغینی و سرعت‌لی و داواملی گلیشن بیر اورتاملا گلن دوزنله‌ییجی ائتکیله‌شیملر گلیشدیرجگینی آچیقلادی.

۲۵۶ میلیارد دلار اولاراق تخمین ائدیله‌ن ثروتیله دونیانین ان زنگین اینسانی اولاراق گؤستریله‌ن ماسک، گئچه‌ن آی آمریکا غذا و درمان دایره‌سی طرفین‌دن تست پلانلاری اوچون اونای گؤزله‌یه‌ن نیورالینک بئیین چیپلرینین ۲۰۲۲ده اینسانلارا ایمپلانته ائدیلمه‌سینی گؤزله‌دیگینی سؤیله‌میشدی.