تورکیه‌نین ساوونما صنایعی صادراتی آرتدی
صادراتدا ایلک سیرانی آمریکا، ایکینجی سیرانی ایسه آذربایجان آلدی
تورکیه‌دن ایلین ایلک ۴ آیین‌دا تخمیناً ۱ میلیارد دلارلیق ساوونما و هاواچی‌لیق صنایع محصولو صادراتی ائدیلدی.
ساتیشلاردا ایلک سیرانی ۳۸۶ میلیون ۱۰۰ مین دلارلا آمریکا آلدی.
تیجارت باخانلیغی و تورکیه صادراتچیلار مجلیسی بیلگیلرینه گؤره، اؤلکه‌نین آوریل صادراتی گئچه‌ن ایلین عینی دؤورونه گؤره یوزده ۱۰۹ آرتیشلا ۱۸،۸ میلیارد دلار اولدو. بو، بوتون زامانلارین ان یوکسک آوریل آیی صادرات رقمی اولاراق ثبت ائدیلدی. ژانویه/آوریل دؤورون‌ده ایسه تورکیه‌نین صادراتی ۶۸،۸ میلیارد دلار اولاراق گرچکلشدی.
ساوونما و هاواچی‌لیق صنایع محصولو صادراتی، ایلین ایلک ۴ آیین‌دا گئچه‌ن ایلین عینی دؤورونه گؤره یوزده ۴۷،۷ آرتیشلا ۹۴۹ میلیون ۷۴۴ مین دلار اولدو.
بو بؤلومده ائدیله‌ن صادراتین اؤلکه‌لره گؤره داغیلیمی آراشدیریلدیغین‌دا، آمریکا، ایلک سیرادا یئر آلدی. آمریکایا ائدیله‌ن صادرات گئچه‌ن ایلین عینی دؤورونه گؤره یوزده ۵۶ آرتاراق ۳۸۶ میلیون ۱۱۳ مین دلارا چاتدی.
آمریکانین آردیندان ۱۱۷ میلیون ۳۱۵ مین دلارلیق خاریجی ساتیش ائدیله‌ن آذربایجان ایکینجی سیرانی آلدی. تورکیه‌نین آذربایجانا ایلین ۴ آیین‌دا ائتدیگی ساوونما و هاواچی‌لیق صنایع صادراتی، گئچه‌ن ایلین ژانویه/آوریل دؤورونه گؤره یوزده ۱۲۳۴ آرتدی.
بو صادراتدا آلت سیرالاری ۹۰ میلیون ۲۹۹ مین دلارلا بیرلشمیش عرب امرلیکلری، ۵۷ میلیون ۸۲۷ مین دلارلا بنگلادش و ۵۰ میلیون ۱۴ مین دلارلا آلمانیا آلدی.
ایلگیلی‌لی خبرلر
هیندیستان بالیستیک موشک سینادی
هیندیستان ساوونما باخانلیغی، کریستال میز-۲نین سیناق آتیشینین باشارییلا ایجرا ائدیلدیگینی بیلدیردی
