۵۷۰۰ ایللیک اوشاق اسکلتی تاپیلدی
آرسلانتپه، مینلرجه ایل اینسان اوغلونا قوجاق آچمیش تاریخی مکانلار آراسیندا یئر آلیر
مینلرجه ایللیک گئچمیشی بیرلشمیش میللتلر تحصیل، بیلیم و مدنیت تشکیلاتینین (یونسکو) دونیا میراثی گئچیجی لیستینده یئر آلان آرسلانتپه تاریخی تپهسیندهکی قازینتیلار گئج کالکولیتیک دؤنمینه عاید بیر بینادا تخمیناً ۵۷۰۰ ایللیک اولدوغو تخمین ائدیلهن اوشاق اسکلتی تاپیلدی.
فرات چایینین باتی ساحلینده، مالاتیایا ۷ کیلومتر مسافهدهکی آرسلانتپه، یوکسک تاریم پتانسیلی، سولاق ساحهلر و چایین داشقینلاریندان قورونان قورولوشو سایهسینده مینلرجه ایل اینسان اوغلونا قوجاق آچمیش تاریخی مکانلار آراسیندا یئر آلیر.
گئج کالکولیتیک دؤنمیندن دمیر دؤورونه قدر گئچهن تاریخی پروسهنین تاپینتیلارینا راستلانان آرسلانتپه، هیتیتلردن روما و بیزانسا قدر بیر چوخ مدنیتین ایزلرینی ده اؤزونده ساخلاییر.
ایتالییدان روما لا ساپینزا اونیورسیتهسی طرفیندن ۱۹۶۱دن بو یانا قازیلان و ۲۰۱۴ده یونسکونون دونیا میراثی گئچیجی لیستینه آلینان آرسلانتپه تاریخی تپهسیندهکی قازینتی ایشلرینده بو مؤوسوم اؤنملی بیر تاپینتییا راستلاندی.
قازیم اکیبی، تپهنین باتی بؤلوموندهکی قالیقلاری اورتایا چیخارماغا چالیشارکهن، فرقلی بیر کشفله قارشیلاشدی. قازی باشقانی روما لا ساپینزا اونیورسیتهسی خوجاسی پروفسور دکتر مارسلله فرانگیپانه، حاجتتپه اونیورسیتهسی آنتروپولوژی فاکولتهسیندن پروفسور دکتر ییلماز سلیم اردال و اکیبینین آیرینتیلی آراشدیرماسینین آردیندان تاپینتینین ۶-۷ یاشلاریندا بیر اوشاغا عاید اسکلت اولدوغو بللی ائدیلدی.