فیسبوکا سالدیری
پیس نیت‌لی اینسانلارین ۲۹ میلیون حسابا گیردیگی قید اولوندو
1068075
سوسیال پایلاشیم سایتی فیسبوک، یئنه هکرلرین هدفی اولدو.
سایت‌داکی گوونلیک آچیغین‌دان فایدالانان بعضی شخصلر میلیونلارجا اینسانین بیلگیلرینی اوغورلادی.
فیسبوک‌دان وئریلن آچیقلامادا، تهلوکه‌سیزلیک گوونلیک آچیغین‌دان فایدالانان پیس نیت‌لی اینسانلارین ۲۹ میلیون حسابا گیردیگی قید اولوندو.
بونا قارشین واتس‌آپ و اینستاگرامین بو اولایدان ائتکیلنمه‌دیگی قید ائدیلدی.
آچیقلامادا، اولایدان ائتکیلنن ایستیفاده‌چیلرین حسابلارینا بیلگیلندیرمه مئساژی گؤندریله‌جگی ایفاده ائدیلدی.
آمریکا فدرال سوروشدورما بیروسونون مسئله ایله ایلگیلی سوروشدورما باشلاتدیغی دا قید ائدیلدی.
فیسبوک، ۲۸ سپتامبردا گوونلیک آچیغینی قوللانان بعضی اینسانلارین ان آز ۵۰ میلیون ایستیفادچینین بیلگیلرینی اله گئچیرمیش اولابیله‌جگینی آچیقلامیشدی.
