تورک دکتر آغیز چالخالاما سویو گلیشدیردی

سلجوق اونیورسیته‌سی دیش حکیم‌لیگی فاکولته‌سی اؤیرتیم اویه‌سی پروفسور دکتر سما حاقی، آنتی‌باکتریل اؤزللیگینه گؤره داها چوخ آغیز خسته‌لیکلری معالیجه‌سین‌ده ایستیفاده ائدیله‌ن وارداتی آغیز قارقاراسینا آلتئرناتیو اولاراق "بور" ترکیب‌لی قارقارا گلیشدیردی.

سلجوق اونیورسیته‌سینده ۲۰۰۶.جی ایلده‌ن بو یانا بوریک اسیدین ساغلیق باخیمین‌دان فایدالارینا دایر آراشدیرما آپاران سما حاقی، بوریک اسیدی آنتی‌باکتریل اؤزللیگی دولایی‌سی ایله قارقارا کیمی بیلینن آغیز چالخالاما سویو یاپیمی اوچون ایستیفاده ائتمه‌یه قرار وئردی.

مختلیف تستلرین آردین‌دان بور ماده‌سی ایستیفاده ائدیله‌رک یاپیلان قارقارا، آنتی‌باکتریل اؤزللیگی اولدوغونو و حجره‌لرین جانلیلیغینی آزالتمادیغینی معین ائد‌ن حاقی، ائتدیگی مراجعتلر نتیجه‌سین‌ده بولوشو اوچون هم تورکیه‌ده، هم آمریکادا بولوش ثبت حاقی آلدی.

دونیا رزرولرینین یوزده ۷۰ی تورکیه‌ده اولان بورون اؤنملی و حیاتی بیر المنت اولدوغونو بیلدیره‌ن حاقی، بورون سوموک حجره‌لری اوزرین‌ده مثبت تأثیرینه دایر چالیشمالار آپارماغا قرار وئردیکلرینی، پروژه چرچیوه‌سین‌ده آپاردیقلاری چالیشمالاردا، بور ماده‌سینین سوموک حجره‌لری اوزرین‌ده‌کی مثبت تأثیرینی آشکار ائتدیکلرینی و بور ترکیب‌لی قارقارا اوره‌تدیکلرینی سؤیله‌دی.