تلگراما روسیادا دا قاداغا طلبی
آیلیق ۱۰۰ میلیونون اوزرینده آکتیو ایستیفادهچیسی اولان تلگرام، گئنیش بیر آنلیق مساژلاشما اویقولامالارسی آراسیندا یئر آلیر
روسیا فدرال بیلگی تکنولوژیلری و کوتله ارتباطی کنترل قورومو (روسکومنادزور)، آنلیق مساژلاشما اویقولاماسی تلگرامین یاساقلانماسی اوچون شکایت ائتدی.
روسکومنادزورون اینترنت سایتیندان وئریلن آچیقلامادا، ایستیفادهچیلرینین مساژلاشمالارینا چاتما ایجازهسی وئرمهمهسی سببی ایله تلگراما قاداغا قویولماسی اوچون شکایت ائتدیگی بیلدیریلدی.
سون دؤنمده ایستیفادهسینده آرتیش گؤرولن و روسیالی پاول دوروو طرفیندن قورولان تلگرام شیرکتینین، فدرال گوونلیک سرویسی طرفیندن تلگرامدا اولان یازیشمالارا چاتماق اوچون شیرکته وئردیگی تاپشیریغین گئچرسیز ساییلماسی اوچون ائتدیگی شکایت اؤتن آی رد ائدیلمیشدی.
تلگرامین قوروجوسو دوروو، بیر مدت اؤنجه تویتر اوزریندن وئردیگی آچیقلامادا، "تلگرام، قاپادیلماسی اوچون تهدیدلره باخمایاراق، گیزلیلیک سیاستینی قوروماغا داوام ائدجکدیر. تلگرام اؤزگورلوک و گیزلیلیک حاقلارینی ساووناجاقدیر" آچیقلاماسینی ائتمیشدی.
آیلیق ۱۰۰ میلیونون اوزرینده آکتیو ایستیفادهچیسی اولان تلگرام، گئنیش بیر آنلیق مساژلاشما اویقولامالارسی آراسیندا یئر آلیر.