ان اوزاق اولدوز گؤرونتولندی

آمریکا هاواچیلیق و اوزای آژانسینین (ناسا) هابل تلسکوبو، درین اوزای گؤزلملری سیراسین‌دا دونیادان ۹ میلیار ایشیک ایلی اوزاقداکی بیر اولدوزو گؤرونتوله‌‌دی.

گؤی بؤیوک اولدوز، بوگونه دک گؤرونتولنن ان اوزاق اولدوز اولدو. آمریکانین مینسوتا اونیورسیته‌سیندن پاتریک کلی‌نین اؤندرلیک ائتدیگی آراشدیرما اکیبی، یئنی کشف ائدیلن اولدوزا، یونان میتولوژیسینده بال‌مومون‌دان یاپیلمیش قانادلارییلا اوچارکن گونشه یاخینلاشدیقجا قانادلاری ارین قهرمان‌دان ایلهاملا "ایکاروس" آدینی وئردی.

دونیادان ۵ میلیار ایشیک ایلی اؤته‌ده‌کی "م‌آ‌ج‌س ژ۱۱۴۹ ۲۲۲۳" آدی وریلن گؤی‌آدا/گالاکسی اؤبه‌گی/مجموعه‌سی یاخینینداکی سوپرنووا پاتلاماسینی اینجه‌له‌ین بیلیم اینسانلاری، ۲۰۱۶دا گالاکسی اؤبه‌گی ایچینده داها اؤنجه اورادا اولمایان بیر پارلاقلیق اولدوغونو گؤردو.

آراشدیرماچیلار، ائتدیکلری رنگ آنالیزلرین‌ده بو پارلاقلیغین اوزاق‌داکی بیر گؤی رنگده بؤیوک اولدوز اولدوغونو تثبیت ائتدی. اکیب آرخا پلان‌داکی اولدوزون، گالاکسی اؤبه‌گینده‌کی تخمیناً گونش بؤیوکلویون‌ده بیر اولدوزون مؤقعیت دگیشدیرمه‌سیله اورتایا چیخدیغینی گؤزله‌دی.