ایران اویدو داشیییجی راکت آتدی
ایران دؤولت تلویزیونونون وئردیگی معلوماتا گؤره، ایران جومه آخشامی گونو اوزایا اویدو داشییابیلن بیر راکت آتدی
ایران اوزایا اویدو داشیییجی راکت آتدی.
یئتکیلیلر، بو سیناق آتیشی ایله عینی زاماندا امام خمینی اوزای مرکزینین رسمی اولاراق آچیلدیغینی دا بیلدیردی.
ایران دؤولت تلویزیونونون وئردیگی معلوماتا گؤره، ایران جومه آخشامی گونو اوزایا اویدو داشییابیلن بیر راکت آتدی.
راکتین آدینین "سیمرغ"اولدوغونون ایفاده ائدیلدیگی خبرده، آتمانین باشارییلا گرچکلشدیگی بیلدیریلیر.
خبرده، "سیمرغ اویدو داشیییجی آراجین باشاریلی بیر شکیلده تست ائدیلمهسیله امام خمینی اوزای مرکزی رسمی اولاراق آچیلدی" دئییلدی.
خبرده آیریجا سیمرغ راکتینین 250 کیلوگرام آغیرلیغینا قدر اولان اویدولاری 500 کیلومتر اوزاقلیقداکی اوربیته یئرلشدیرمه توتومونا صاحب اولدوغو قید ائدیلدی.
ایرانین ایللردیر داوام ائدن راکت آتما پروگرامینا آمریکا، گلیشدیریلن بو تکنولوژینین عینی زاماندا اوزون منزیللی موشک یاپیمیندا دا ایستیفاده ائدیلهبیلهجگی سببیله ایله اعتراض ائدیر.
بو ادعالاری رد ائدن ایران، 2012 و 2013.جو ایللرده اوزایا ایکی دفعه میمون گؤندردیگینی و میمونلارین ساغلام بیر شکیلده دونیایا دؤندوکلرینی بیلدیرمیشدی.
ایران، می آییندا ایسه اوزایا اینسان گؤندرمک پلانلارینی یوکسک هزینه سببیله گرچکلشدیرمهیهجگینی بیلدیرمیشدی.
ایلگیلیلی خبرلر
هیندیستان بالیستیک موشک سینادی
هیندیستان ساوونما باخانلیغی، کریستال میز-۲نین سیناق آتیشینین باشارییلا ایجرا ائدیلدیگینی بیلدیردی