10 یاشینداکی جود، 1،2 میلیون ایللیک فسیل تاپدی
نوامبر آییندا عایلهسیله طبیعت یئریمهیه چیخان سپارکس، آیاغینین بیر جیسمه ایلیشمهسی نتیجهسینده دوشدو
آمریکانین نیومکزیکو ایالتینده عایلهسیله طبیعتده یئرییشه چیخان 10 یاشینداکی جود سپارکسین ایلیشیب دوشدوگو شئیین 1،2 میلیون ایللیک قالیق اولدوغو اورتایا چیخدی.
نوامبر آییندا عایلهسیله طبیعت یئریمهیه چیخان سپارکس، آیاغینین بیر جیسمه ایلیشمهسی نتیجهسینده دوشدو.
سپارکس، نیویورک تایمزا وئردیگی مصاحبهده، ایلیشدیگی شئیین اؤنجه بیر تاختا قالیغی اولدوغونو دوشوندوگونو ایضاح ائتدی.
کیچیک اوشاغین والیدینی میشل و کیل سپارکس، اوغوللارینین یانینا گلدیکده، یئردکی قالیغین بیر فیلین دیشلرینه بنزدیگینی دوشونهرک نیویورک دؤولت اونیورسیتهسیندن پروفسور پیتر هوود ایله ارتباط قوردو.
اراضی صاحیب ایله ارتباطا گئچهرک ایجازه آلان هوود و قروپو، بیر هفتهلیک چالیشمایلا می آییندا، فسیلین هامیسینی تورپاقدان چیخارماغی باجاردی.
هوود، کله قالیقلارینین 1،2 میلیون ایل اؤنجه یاشامیش، فیل بنزری، نسلی توکنمیش ایستگوماستودون آدلی جانلییا عاید اولدوغونو بیلدیردی.
پروفسور هوود، بوتون کلهنین 1 تن آغیرلیغیندا اولدوغونو تخمین ائتدیکلرینی و آراشدیریلاراق یئنیدن اینشا ائدیلمهسینین ایللر آلاجاغینی ایفاده ائتدی. هوود، ایستگوماستودونا عاید کلهنین داها سونرا سرگیلهنهبیلهجگینی سؤیلهدی.
ایلگیلیلی خبرلر
هیندیستان بالیستیک موشک سینادی
هیندیستان ساوونما باخانلیغی، کریستال میز-۲نین سیناق آتیشینین باشارییلا ایجرا ائدیلدیگینی بیلدیردی