احمد آرسلان تهراندا
"بیلگی و رابطه تکنولوژیلری قونوسوندا چوخ گؤزل ایش بیرلیکلریمیز وار"
نقلیات، دنیزچیلیک و خبرلشمه باخانی احمد آرسلان، ایران ایله سیاسی، اقتصادی و مدنی ایلیشکیلرین گلیشمهسینین بؤلگهسل و کورهسل معنادا چوخ اؤنملی اولدوغونو ایفاده ائتدی.
ایکی گونلوک رسمی سفر چرچیوهسینده گئتدیگی تهراندا ایران رابطه و اطلاعات تکنولوژیلری باخانی محمود واعظی ایله بیر آرایا گلن آرسلان،
"بیلگی و رابطه تکنولوژیلری قونوسوندا چوخ گؤزل ایش بیرلیکلریمیز وار. ایش بیرلیکلرینی بوندان سونرا دا آرتیرماق آدینا تکنیک بیر قروپ اولوشدوردوق. بو قروپ، چالیشمالارا باشلایاجاق" دئدی.
باخان آسلان، تورکیه-ایران قارما اقتصادی کمیسیونو ائش باشقانی اولان ایرانلی قونومداشی ایله باشقا مؤوضوعلاری دا مذاکیره ائتدیکلرینی ایفاده ائدهرک،
"نقلیات قونوسوندا دا ائدهبیلهجکلریمیزی مذاکیره ائتدیک. تورکیه و ایران اولاراق ایکی اؤلکهنین دوستلوغو و علاقهلرینین گلیشدیریلمهسی اوچون هم ده بو سئکتوردا دونیا سویهسیندکی اویقولامالاردا ائتدیگیمیز ایش بیرلیکلرینه وئردیکلری دستکلر آدینا چوخ تشکر ائدیرم" دئیه دانیشدی.
ایران رابطه و اطلاعات تکنولوژیلری باخانی واعظی ایسه دانیشماسینا، ایران حکومتی آدینا ایستانبولداکی ترور سالدیریسیندا حیاتینی ایتیرنلرین یاخینلارینا باشساغلیغی دیلکلرینی چاتدیراراق باشلادی.
ایران پرزیدنتی بیرینجی یاردیمچیسی اسحاق جهانگیرینین گلن هفته باشباخان بینعلی ییلدیریمین دعوتی اوزرینه تورکیهده اولاجاغینی ایفاده ائدن واعظی،
"تورک باخانین تهرانا سفری جهانگیرینین تورکیهیه ائدجیی سفر قونوسوندا حاضیرلیقلاریمیزی تاماملاماق اوچون بیر فرصت اولدو" دئدی.