تورکیهیه گلن خاریجی اؤیرنجیلره تسهیلات
ایلک دفعه گلهجک خاریجی اؤیرنجیلرین اوچاق بیلتی، تحصیل هزینهسی، آیلیق سیگورتا خرجلری ایله بارینما اؤدنیشلری باشچیلیق بودجهسیندن وئریلهجک
یورددیشی تورکلر و قوهوم توپلولوقلار باشقانلیغیندا، 2017 ایلینده "اولوسلارآراسی اؤیرنجی و ماذون بیلگی سیستمی" یارادیلماسی پلانلاشدیریلیر. ایلک دفعه گلهجک خاریجی اؤیرنجیلرین اوچاق بیلتی، تحصیل هزینهسی، آیلیق سیگورتا خرجلری ایله بارینما اؤدنیشلری باشچیلیق بودجهسیندن وئریلهجک.
باشقانلیغین بو فعالیتلرینه و گلهجک ایلکی هدفلرینه، 2017 ایلی بودجه لایحه کتابچاسیندا یئر وئریلدی، آیریجا خاریجی اؤیرنجیلره دایر پروژهلر ایضاح ائدیلدی.
تورکیهیه گلن طلبهلرین تحصیل پروسهلرینین باشاریلی بیر شکیلده نتیجهلندیریلمهسی اوچون، آکادمیک و مسلکی رهبرلیک ایله اجتماعی و مدنی رهبرلیک خیدمتلرینین پلانلاناراق تطبیق اولوناجاغی ایفاده ائدیلن کیتابچادا، مرتبط تشکیلاتلارلا ایش بیرلیگی ایچریسینده حاضرلانان اولوسلارآراسی اؤیرنجی استراتژی سندینده تعیین اولونان اساسلار چرچیوهسینده، باشقانلیقدا "اولوسلارآراسی اؤیرنجی و ماذون بیلگی سیستمی"نین یارادیلماسینین پلانلاشدیریلدیغی ایفاده ائدیلدی.