تورکیهنین اویدو ساییسی ایکی قاتینا چیخاجاق
ایلک میلی خبرلشمه اویدوسو تورکسات 6-آنین 2020ده اوربیتده اولماسی پلانلاشدیریلیر
تورکیهنین ایلک میلی خبرلشمه اویدوسو تورکسات 6-آنین 2020ده اوربیتده اولماسی پلانلاشدیریلیر.
تورکسات باش مودورو انصار گول، ترت خبرین قونویلا ایلگیلی سواللارینی جاوابلاندیردی.
5آ و 5ب اویدولارینین مناقصه ایشلرینین داوام ائتدیگینی وورغولایان گول،
"بونلاری 3 ایل ایچینده بیتیرهجییک. حاضیردا اویدو ساییمیز 4. بیرینین عؤمرو دولماق اوزره. بیر ایکی آی ایچریسینده یؤرونگه خاریجینه آلاجاغیق. 3 اویدوموز قالیر. بو یئنی پروژهلرله اویدو ساییمیزی ایکی قاتینا چیخاریریق" دئدی.
48 گونلوک تست مدتینین سونا چاتماسینا ساییلی گونلر قالان 4ب اویدوسو دا خبرلشمهیه اؤنملی قاتقی وئرهجک.
اویدو، داها چوخ تلویزیون کانالینا ایمکان ساغلایاجاق.
میلی ادییتیم باخانلیغینین 5 مین اوخولوا اویدو اوزریندن اینترنت خیدمتی وئردیگینی ایفاده ائدن گول، "بو اوخوللار داها چوخ داغلیق بؤلگهلرده. بو اوخوللاریمیزا اینترنت خیدمتی وئرجییک. بونلارین ساییسینی دا آرتیراجاغیق" دئدی.