تویوتا یئنی ماشینلارداکی کاربون امیسیون‌لاری‌نین یوزده 90 آزالدم
تویوتا، 26 اؤلکه‌ده 46 اوره‌تیم تاسیسی، 265 مین جیواریندا ایشچی‌سی ایله 140-دان چوخ اؤلکه‌ده موشتری‌لره لکوس و تویوتا مارکا ماشینلار چیخاریر
ژاپون اوتوموبیل شیرکتی تویوتا، 2050ه قدر چیخاردیغی یئنی ماشینلارداکی کاربون امیسیون‌لاری‌نین یوزده 90 آزالدماسی پلانلاشدیریر.
آلترناتیو یانا‌جاق‌لارلا چالیشان هیبرید ماشین بازاری‌نین ادعا‌لی آدی تویوتا‌دان ائدیلن آچیقلامادا، یئنی چئوره قوروما هدف‌لری چرچیوه‌سینده 2050-جی ایلده بنزینله ایشله‌ین اوتوموبیل اوره‌تیمی‌نین سونا چاتدیریلماسی‌نین هدفلندیگی بیلدیریلدی.
داواملی ایشلر چرچیوه‌سینده، 2010 اساس آلیندیغیندا، 2050-جی ایلده چیخاریلان ماشینلارداکی کاربون امیسیون‌لاری‌نین یوزده 90 نیسبتینده آزالدیلمیش اولاجاغی یازیلان آچیقلامادا، یئنی ماشینلارداکی کاربون امیسیون‌لاری رکورد سویه‌ده آزالدما پلانی‌نین، پریوس هیبرید مودئل‌لردکی باشاریسی اوزرینه گؤزدن گئچیره‌جگی ایفاده ائدیلدی.
آچیقلامادا، 2020-جی ایلده "یانا‌جاق حوجره‌لی" واسطه‌لرین سایسی‌نین 30 مین اولاجاغی، هیبریت ماشین‌لارین ایللیک ساتیشی‌نین ایسه 1 میلیون 500 مینه چیخاجاغی قید ائدیلدی.
تویوتا، 26 اؤلکه‌ده 46 اوره‌تیم تاسیسی، 265 مین جیواریندا ایشچی‌سی ایله 140-دان چوخ اؤلکه‌ده موشتری‌لره لکوس و تویوتا مارکا ماشینلار چیخاریر.
