یئنی اینسانابنزر قالیق‌لار تاپیلدی
بو قالیق‌لارین، اینسان سوی آغاجی‌نین ایندییه قدر بیلینمه‌ین بیر عضوونه عاید اولابیله‌جیی ایفاده ائدیلدی
اتیوپی‌ده 3،5 میلیون ایللیک یئنی اینسانابنزر قالیق‌لار تاپیلدی.
د وورانسو میل آراشدیرما پروژه‌سی باشقانی یوهانس هایله سلاسی، آدیس‌آبابادا مطبوعات کنفرانسیندا، آفار بؤلگه‌سین‌دکی بورتئله آرکئولوژیک قازینتی ساحه‌سینده 4 ایل اؤنجه 3،3-3،5 میلیون ایللیک اولدوغو تخمیا ائدیلن دیش‌لر و چنه سوموگونه عاید قالیق‌لار تاپیلدیغینی سؤیله‌دی.
هایله سلاسی، بو یئنی قالیق‌لارین، عینی بؤلگه‌ده داها اؤنجه تاپیلان 4 میلیون ایللیک اینسانابنزر ایسکلت‌دن چوخ فرق‌لی اؤزللیک‌لره صاحب اولدوغونو قید ائتدی.
هایله سلاسی، یئنی قالیق‌لارین اینسان تکامولونو داها یاخشی آنلاماغا کؤمک ائدجیینی ایفاده ائتدی.
آراشدیرما قروپوندا ایشتیراک ائدن بیلیم انسانلاریندان استفان ملیلو، عینی بؤلگه‌ده 1974.جی ایلده تاپیلان و دونیانین ان مشهور اینسانابنزر قالیغی اولا‌راق بیلینن "لوسی"یه گؤره، بو یئنی قالیغین داها کیچیک دیش‌لره و داها ساغلام بیر آلت چنه‌یه صاحب اولدوغونو سؤیله‌دی.
ملیلو، بو قالیق‌لارین، اینسان سوی آغاجی‌نین ایندییه قدر بیلینمه‌ین بیر عضوونه عاید اولابیله‌جیینی ایفاده ائتدی.
