۲ متر بویوندا پنگوئن

آنتارکتیکادا ۲ متر بویوندا پنگوئن قالیق‌لاری تاپیلدی.
آنتارکتیکا ساحیل‌لرین‌ده‌کی سیمور آداسیندا ائدیلن آراشدیرما‌لار، بیر زامان‌لار دونیادا چوخ بؤیوک پنگوئن‌لرین یاشادیغینی گؤستردی. آیاق و قاناد سوموک‌لری اوزرینده ائدیلن آراشدیرما‌لار، دونیا اوزرینده یاشامیش ان بؤیوک پنگوئن نؤوعو اولدوغونو گؤستریر. یئنی قالیق‌لار، تخمیننا ٤۰ میلیون ایل اؤنجه یاشامیش پنگوئنین آغیرلیغی‌نین دا ۱۲۰ کیلویا قدر چاتا‌بیلدیگینه ایشاره ائدیر. اوزمان‌لار، بو قدر بؤیوک بیر پنگوئنین سو آلتیندا ان آز ٤۰ دقیقه قالابیلدیگینه اینانیر.
آراشدیرمادا یئر آلان آرژانتینلی بیر داشیل بیلیمچی/پالئونتولوگ، بؤیوک پنگوئن‌لرین حیاتدا اولدوغو دؤورده آنتارکتیکا ساحل‌لرینده ۱۰-۱٤ نؤوعله بیرلیکده یاشادیق‌لارینی سؤیله‌دی.
گونوموزده پنگوئن‌لرین بوی اورتالاماسی ٤۰ ایله ٥۰ سانتیمتر آراسیندا دییشیر.