غزهده ساغلیق ناظرلیگی بیرلشمیش مللتلر تشکیلاتینی مداخله ائتمیه چاغیریب
ساغلیق ناظرلیگی غزه شهریندهکی شفا خستهخاناسینا باسقین ائدن ایسرائیل عسگرلرینین آچدیغی آتش نتیجهسینده چوخلو سایدا فیلیسطینلینین اؤلمهسی و یارالانماسی ایله باغلی یازیلی آچیقلاما وئریب
غزهدهکی فیلیسطینین ساغلیق ناظرلیگی بیرلشمیش مللتلر تشکیلاتی و بوتون اولوسلارآراسی قوروملاری ایسرائیلین شفا خستهخاناسیندا خستهلر، یارالیلار، قاچقینلار و طب ایشچیلرینه قارشی داوام ائدن قیرغینینی دایاندیرماغا چاغیریب.
ساغلیق ناظرلیگی غزه شهریندهکی شفا خستهخاناسینا باسقین ائدن ایسرائیل عسگرلرینین آچدیغی آتش نتیجهسینده چوخلو سایدا فیلیسطینلینین اؤلمهسی و یارالانماسی ایله باغلی یازیلی آچیقلاما وئریب.
آچیقلامادا شفا خستهخاناسینین قاپیسیندا یانغین باش وئردیگی، توستودن تأثیرلنن خستهخانایا سیغینان قادین و اوشاقلارین اولدوغو، علاقهنین کسیلدیگی وورغولانیب، چوخلو سایدا قاچقینین شخصی عملیات بیناسی و 8 سایلی بینادا اورژانس شعبهسینده سیخیشیب.
آچیقلامادا چوخلو سایدا فیلیسطینلینین حیاتینی ایتیردییی و یارالاندیغی، یانغینین سؤندوروله بیلمهدیگی اوچون یارالیلاری خلاص ائتمک مومکون اولمادیغی، پنجرهلره یاخینلاشان هر کسین هدفه آلیندیغی بیلدیریلیب.
بیاناتدا ایسرائیل گوجلرینین شفا خستهخاناسینا قارشی بیر دفعه داها قتل عام تؤرتدیگی قید ائدیلرک، بیرلشمیش ملتلر تشکیلاتی و بوتون اولوسلارآراسی قوروملاردان ایسرائیلین شفا خستهخاناسیندا خستهلر، یارالیلار، قاچقینلار و طب ایشچیلرینه قارشی داوام ائدن قیرغینینی دایاندیرماغا چاغیریب.
ایلگیلیلی خبرلر
نتانیاهو: حماس تسلیم اولسا ساواش بیتر
"حماس سلاح بوراخاراق تسلیم اولوب و ده اسیرلری تحویل وئرسه، ساواش یارین بیتهبیلر"