ایسرائیل غزه زولاغیندا 29 مین هدفی بومبالادی
ایسرائیل اوردوسو هاوا قووهلرینین فعالییتی ایله ایسرائیلین ساواش اوچاقلاری «بوتون جبههلرده» 31 میندن چوخ هدفه هاوادان هوجوم ائدیب
ایسرائیل اوردوسو هوجوملارین باشلادیغی 7 اوکتبردان بری غزه زولاغیندا 29 مین هدفی ساواش اوچاقلاری ایله بومبالادیغینی آچیقلاییب.
"یئدیوت آخرونوت" قزئتینین معلوماتینا گؤره، ایسرائیل اوردوسو هاوا قووهلرینین فعالییتی ایله باغلی آچیقلاماسیندا قئید ائدیب کی، ایسرائیلین ساواش اوچاقلاری «بوتون جبههلرده» 31 میندن چوخ هدفه هاوادان هوجوم ائدیب.
آچیقلامادا هوجوملارین تقریبن 29 مینی غزه زولاغیندا، 1100-نون ایسه قوزئیده لبنان سرحدینده حیاتا کئچیریلدیگی بیلدیریلسه ده، قالانلارینین هارادا هیاتا کئچیریلدیگی بارهده معلومات وئریلمییب.
آچیقلامادا بونلارین تخمینن 7 مینینین «غافیل هوجوملار» اولدوغو و قورو قووهلرینین طلبی ایله حیاتا کئچیریلدیگی بیلدیریلیب: تخمینن 26 مین هوجوم ساواش اوچاقلاری ایله، ۳ مین ۸۰۰-ه یاخین هوجوم ایسه ساواش هلیکوپترلری و تخمینن ۳ مین ۸۰۰ هوجوم دا پیلوتسوز اوچوش آپاراتلاری ایله حیاتا کئچیریلیب." دئییلدی.
حماس-ین سیلاحلی قانادی عزالدین قسام توغایلاری ۷ اوکتبردا «مسجید الاقصی باشدا اولماقلا فیلیسطینلیلره و موقدّس دَیَرلره قارشی داواملی پوزونتولارا جاواب وئرمک» سببی ایله ایسرائیله قارشی هرطرفلی هوجوما کئچیب.
ایسرائیل 7 اوکتبردا باش وئرن هوجوملاردا 1200 ایسرائیللیینین اؤلدویونو، 5132 نفرین یارالاندیغینی آچیقلاییب.
ایسرائیلین 7 اوکتبردان بری غزه زولاغینا تشکیل ائتدیگی هوجوملاردا ان آز 12 مین 660-ی اوشاق، 8 مین 570-ی قادین اولماقلا 29 مین 92 فیلیسطینلی حیاتینی ایتیریب، 69 مین 28 نفر ایسه یارالانیب.
داغینتیلار آلتیندا هله ده مینلرله اؤلو اولدوغو بیلدیریلرکن، اینسانلارین سیغیندیغی خستهخانا و تحصیل مرکزلری هدف آلیناراق مولکی آلتیاپی دا محو ائدیلیر.