بارزانی: ترور هؤرگوتو پکاکا بؤیوک بیر باش آغریسیدیر
بارزانی، بؤلوجو ترور هؤرگوتو پکاکانین بؤلگهسل اداره تورپاقلارینی تورکیهیه قارشی ایستیفاده ائتمهسینی کسینلیکله رد ائتدیکلرینی وورغولادی
عراق کورد بؤلگهسل اداره باشقانی نچیروان بارزانی، بؤلوجو ترور هؤرگوتو پکاکانین، اؤزلری و بغداد یؤنهتیمی اوچون "بؤیوک بیر باش آغریسی" اولدوغونو سؤیلهدی.
نچیروان بارزانی، العربیه تلویزیون کانالینا وئردیگی آچیقلامادا، عراقداکی شیعه میلیس قروپلارین ائیلملرینه (آمریکا مرکزلرینه سالدیریلار) سون وئریلمهسی لازیم اولدوغونو ایفاده ائدرک، بغدادین بؤلگهسل ادارهنی قورویابیلمهیهجگیندن قایغی دویدوقلارینی قید ائتدی.
بارزانی، آمریکا لیدئرلیگیندهکی کوالیسیون گۆجلرینین عراقداکی وارلیغینا باغلی ایسه، " بؤلگهسل ادارهنین، کوالیسیون گۆجلرینین وارلیغینین طالعینه تک باشینا دئییل، عراق مرکزی یؤنهتیمی ایله بیرلیکده قرار وئرجگی" دگرلندیرمهسینی وئردی.
بؤلوجو ترور هؤرگوتو پکاکانین بؤلگهسل اداره تورپاقلارینی تورکیهیه قارشی ایستیفاده ائتمهسینی کسینلیکله رد ائتدیکلرینی وورغولایان بارزانی، هؤرگوتون قونشو اؤلکهلر (تورکیه) اوچون تهدید قایناغی، اربیل و بغداد اوچون ده "بؤیوک بیر باش آغریسی" اولدوغونو سؤزلرینه علاوه ائتدی.