عراقدان آمریکایا تپکی
"آمریکا، اولوسلارآراسی یاسالارا سایغی گؤسترمه‌دن آچیق بیر سوء قصد گئرچکشدیردی"
عراق سلاحلی گۆجلری، اؤلکه‌ده آمریکا بیرلشمیش دؤولتلری لیدئرلیگینده ترور هؤرگوتو داعشه قارشی قورولان کوالیسیون گوجلرینی 'ثباتسیزلیق عنصورو' اولاراق تانیملاییب
"آمریکا، اولوسلارآراسی یاسالارا سایغی گؤسترمه‌دن آچیق بیر سوء قصد گئرچکشدیردی" دئییلدی.
آمریکاین سیراغا آخشام، عراقین باشکندی بغداددا شیعه میلیس گوجو کتائب حزب‌الله‌ی هدف آلان اینسانسیز هاوا آراجی سالدیریسیندان سونرا، سلاحلی گۆجلر طرفیندن آچیقلاما یاییملاندی. آچیقلامادا، آمریکانین عراق‌داکی وظیفه‌سینی سونا چاتدیرماغا 'هر زامانکیندان داها چوخ' مجبور اولوندوغو بیلدیریلدی.
عراق‌دا اولان آمریکا لیدئرلیگینده‌کی ترور هؤرگوتو داعش قارشیدی کوالیسیون گوجلرینین 'ثباتسیزلیق عنصورو' اولاراق تانیملاندیغی آچیقلامادا، "بو گئدیش، عراق حکومتینی، ثباتسیزلیق عنصورو حالینا گلن و عراقی چاتیشما دؤنگوسونه آپارما تهدیدی ائدن کوالیسیونون وظیفه‌سینه سون وئرمه‌یه هر زامانکیندان داها چوخ مجبور ائتمکده‌دیر و سلاحلی گۆجلریمیز آنایاسال وظیفه و مسئولیتلرینی گؤرمزدن گله‌بیلمز" دئییلدی.
سؤزو گئدن اینسانسیز هاوا آراجی سالدیریسینین بغدادین بیر محله‌سینه تشکیل ائدیلدیگینه دقت چکیله‌ن آچیقلامادا، آمریکانین وطنداشلارین حیاتلارینی تهلوکه‌یه آتدیغی و اولوسلارآراسی قانونلارا سایغی گؤسترمه‌دن آچیق بیر سوء قصد گئرچکلشدیردیگی ایفاده ائدیلدی. آچیقلامادا،
"آمریکا گوجلری بو ائیلملری ایله ایچ باریشی تهلوکه‌یه آتماقدا، عراقین اگمنلیگینی پوزماقدا، وطنداشلاریمیزین گۆونلیگینی و حیاتینی هئچه سایماقدادیر. داها دا قایغی وئریجی اولان، کوالیسیونون تورپاقلاریمیزداکی وارلیغینین سببلریندن و هدفلریندن داواملی اولاراق ساپماسیدیر/منحرف اولماسیدیر" دئییلدی.
بو آرادا، عراق و آمریکا آراسینداکی "کوالیسیون گوجلرینین عراقدان چکیلمه‌سی ایله" اباغلی ایکینجی ییغینجاغین ایکی گون سونرا ائدیله‌جگی بیلدیریلدی.
عراق خاریجی ایشلر باخانلیغیندان وئریله‌ن آچیقلامادا، "(آمریکا و عراق‌لی) طرفلر، اورتاق یۆکسک عسگری شورا چرچیوه‌سینده موذاکیره‌لره داوام ائتمه قونوسوندا آنلاشدی" دئییلدی.
ایلکی ۲۷ ژانویه‌ده ائدیلدیگی خاطیرلادیلان ییغینجاغین ایکینجیسینین بازار گونو گئرچکلشدیریله‌جگی بیلدیریلدی.
عراق، ۲۵ ژانویه‌ده ترور هؤرگوتو داعشه قارشی آمریکا لیدئرلیگینده قورولان کوالیسیونون عسگری وظیفه‌سینین سونا چاتماسی و کوالیسیون مشاویرلرینین آشاما‌لی اولاراق آزالدیلماسی اوچون تقویم اولوشدورما قونوسوندا واشینگتن رهبرلیگی ایله آنلاشمایا واریلدیغینی بیلدیرمیشدی.
