حماس حرکتینین ایسرائیل ایله آتشکس شرطی
اسامه الحمدان: اسرائیل ایله مومکون محبوس موبادیلهسی راضیلاشماسینین یگانه شرطی غزه زولاغیندا هوجوملاری تمامیله دایاندیرماقدیر
حماس حرکتینین سیاسی ایدارهسینین عضوو اسامه الحمدان دئییب کی، اسرائیل ایله مومکون محبوس موبادیلهسی راضیلاشماسینین یگانه شرطی غزه زولاغیندا هوجوملاری تمامیله دایاندیرماقدیر.
الحمدان 111 گوندور ایسرائیلین هوجومونا معروض قالان غزه غزه زولاغی ایله باغلی حماسین لبنانین پایتختی بیروتداکی اوفیسینده آچیقلامالار وئریب.
واسیطهچی اؤلکهلرین ایسرائیل و حماس آراسیندا یئنی اسیر موبادیلهسی راضیلاشماسی و هوجوملارین تمامیله دایاندیریلماسی ایله باغلی تکلیفلرینی جیددی قیمتلندیردیکلرینی ایفاده ائدن الحمدان، "اسیر گؤتورولن صهیونیست عسگرلر ساغ-سلامت عائلهلرینه قووشابیلملری اوچون خالقیمیزا قارشی هوجوملارین تمامیله دایاندیریلماسی لازیم اولدوغونو وورغولادی.
الحمدان ایسرائیلین باش باخانی بنیامین نتانیاهونون خیال دونیاسیندا اولدوغونو و غزهیه قارشی ساواشی اصرارلا دوان ائتتیرمکله بعضی مقصدلرینه چاتماق ایستدیگینی بیلدیریب و "غزه یالنیز اونون آرزولارینین، پلانلارینین، خیاللارینین و اوردوسونون مزاری اولاجاق" دئییب.
الحمدان، نتانیاهونون اؤز یالانلارینی و خیاللارینی خالقینا ساتماغا چالیشدیغینی وورغولادی و "نتانیاهو هرگون اؤلن و یا حماس طرقیندن اسیر دوشن ایسرائیل عسگرلرینین حیاتی ایله ماراقلانمادیغینی" بیلدیردی.