پاکیستاندان ایران آچیقلاماسی
"پاکیستانین گۆونلیگینین و اگمنلیگینین قوتسال اولدوغونو و پاکیستانین اؤزونو قوروماغا حاضر و ایستکلی اولدوغونو دا ایفاده ائتدیک"
پاکیستان، سیستان-بلوچستان ایالتینده "تروریستلره" قارشی تشکیل ائدیله‌ن هاوا سالدیریسینین آردیندان ایران ایله یاشانان دورومو گرگینلشدیرمک نیتلرینین اولمادیغینی بیلدیردی.
پاکیستان خاریجی ایشلر باخانلیغی سؤزچوسو ممتاز زهرا بلوچ، هفته‌لیک مطبوعات کنفرانسیندا وئردیگی آچیقلامادا، پاکیستانین ایران دا داخیل، بۆتون اؤلکه‌لرله باریشچیل ایلیشکیلر آرزولادیغینی وورغولایاراق،
"آنجاق پاکیستانین گۆونلیگینین و اگمنلیگینین قوتسال اولدوغونو و پاکیستانین اؤزونو قوروماغا حاضر و ایستکلی اولدوغونو دا ایفاده ائتدیک" دئدی.
بلوچ، پاکیستانین ایران ایچریسینده "تروریستلره" قارشی هاوا سالدیریسی تشکیل ائتمه‌سینین آردیندان تهران ایله یاشانان دورومو گرگینلشدیرمک نیتلرینین اولمادیغینی سؤیله‌دی.
پاکیستانین هر زامان دیالوگ یولونو سئچدیگینی و باریشین حؤکم سۆرمه‌سینی تامین ائتمک اوچون قونشولارییلا ایلیشکی قورماغا داوام ائدجگینی دیله گتیره‌ن بلوچ، پاکیستانین ایران خالقینی دوست و قارداش اولاراق گؤردوگونو وورغولادی.
بلوچ، ترور تهدیدی ده داخیل اولماق اۆزره اورتاق چتینلیکلرله اۆزلشمک اوچون دیالوگ و امکداشلیغین شرط اولدوغونا ایناندیقلارینی قید ائتدی.
آراچیلیق ائدن اوچونجو بیر طرف اولمادیغینا ایشاره ائدن بلوچ، پاکیستان ایله ایرانین موختلیف ارتباط کاناللارینا صاحب اولدوغونو ایفاده ائتدی.
سؤزچو بلوچ، دونیا اقتصادی فورومونا قاتیلماق اوچون سوئیسین داووس قصبه‌سینده اولان باشباخان انوار الحق کاکارین و اوگاندادا اولان خاریجی ایشلر باخانی جلیل عباس جیلانینین گلیشمه‌لر اۆزرینه سفرلرینی یاریدا کسه‌رک اؤلکه‌یه قاییداجاقلارینی دا قید ائتدی.
پاکیستان خاریجی ایشلر باخانلیغیندان ائدیله‌ن آچیقلامادا، سیستان و بلوچستان ایالتینده "تروریستلرین گیزلندیکلری یئرلره قارشی بیر سلسله حساس عسگری سالدیری" گئرچکلشدیریلدیگی ایفاده ائدیله‌رک، استخباراتا دایالی عملیات سیراسیندا چوخ ساییدا "تروریستین" اؤلدورولدوگو بیلدیریلمیشدی.
سالدیریدا ۲ اوشاغین حیاتینی ایتیردیگی، ۳ قیز اوشاغینین یارالاندیغی آچیقلانمیشدی.
تهران ائلچیسینی گئری چاغیرما قراری آلان پاکیستان، هله ده ایراندا اولان ایرانین اسلام آباد ائلچیسینین ده بیر مدت گئری قاییدمایابیله‌جگینی تهرانا بیلدیرمیشدی.
ایران ایسه "سرحد بؤلگه‌سینده‌کی بیر کنده تشکیل ائدیله‌ن موشک سالدیریسیندا ۳ قادین و ۴ اوشاغین حیاتینی ایتیردیگینی" بیلدیرمیشدی.
ایلگیلی‌لی خبرلر
غزه‌ده اؤلنلرین ساییسی آرتیر
غزه یولاغینا سون ۲۴ ساعاتدا تشکیل ائدیله‌ن ۵ سالدیریدا ۴۷ فیلیسطینلی داها حیاتینی ایتیردی
