فیلیسطیندن ساواشین ۱۰۰.جو گونو ایله باغلی آچیقلاما
فیلیسطین خاریجی ایشلر باخانلیغیندان ایسرائیلین غزه‌یه تشکیل ائتدیگی سالدیریلارین ۱۰۰.جو گونونده یازیلی آچیقلاما وئریلدی
فیلیسطین یؤنه‌تیمی، ایسرائیلین غزه یولاغینی ۱۰۰ گونده یاشانماز بیر یئره چئویردیگینی و تؤره‌تدیگی قیرغینلارلا بورادا تاریخین ان بؤیوک اینسانی فاجعه‌سینه سبب اولدوغونو ایفاده ائتدی.
فیلیسطین خاریجی ایشلر باخانلیغیندان ایسرائیلین غزه‌یه تشکیل ائتدیگی سالدیریلارین ۱۰۰.جو گونونده یازیلی آچیقلاما وئریلدی.
غزه یولاغیندا‌کی خالقا قارشی ایشله‌نه‌ن سوی‌قیریمین اوزریندن آجی ، عذاب، قهیر، ظلم و گؤزیاشییلا دولو مین ایله برابر بیر ۱۰۰ گون گئچدیگی وورغولانان آچیقلامادا، "بعضی اؤلکه‌لر هله ایسرائیلین تؤره‌تدیگی قیرغینلارین، 'اؤزونو ساوونما' استدلالینی تامامیله آشیندیردیغینا قانع اولمادی. بو اؤلکه‌لرین آرتیق ساواشین سۆرمه‌سینه سبب اولان توتوملاریندان وازگئچمه‌‌لری لازیمدیر" دئییلدی.
ایسرائیل اوردوسونون، ۱۰۰ گونده غزه‌نی یاشانیلامماز بیر یئره چئویردیگینه دقت چکیله‌ن آچیقلامادا، "(ایسرائیل اوردوسو) تخمیناً ۱۰۰ مین نفرین اؤلدوگو، یارالاندیغی و ایتدیگی قورخونج قیرغینلار ایشله‌دی، تخمیناً ۲ میلیون نفری گۆونلی سیغیناجاقلار اولمادان و مینیموم حیات استانداردلاریندان محروم بیر شکیلده کؤچه مجبور ائتدی" ایفاده‌لری ایشله‌دیلدی.
آچیقلامایا بئله داوام ائدیلدی:
"قیرغینلارین و ییخیمنین اۆزریندن ۱۰۰ گون کئچمه‌سینه باخمایاراق اولوسلارآرسی توپلوم هله قایغیلارینی دیله گتیریر و چاغریلار ائدیر اما ایسرائیل بونلارا قولاق آسمیر عکسینه ایسرائیللی مقاملار کیبیرلنمه‌یه، سوی‌قیریم دساواشینی داوام ائتدیرمکله غرور دویماغا، بیرلشمیش میللتلرین قرارلارینا عصیان ائتمه‌یه، باولوسلارآراسی حقوق یولونو و اولوسلارآراسی عدالت دیوانی جلسه‌لرینه اؤنم وئرمه‌مه‌یه داوام ائدیر".
آیریجا آچیقلامادا اولوسلارآراسی توپلومون، فیلیسطین مسئله‌سینی حل ائتمه و ایسرائیل ایشغالینی سونا چاتدیرما قونوسونداکی چاتیشمازلیق و باشاریسیزلیغینی تکرارلادیغینا و ایسرائیلین ده بو باشاریسیزلیقدان ایستیفاده ائد‌رک داها چوخ ساواش سوچو و اینسانلیغا قارشی جینایت تؤرتدیگینه ایشاره ائدیلدی.
