ایسراییل اوردوسونون غزه زولاغینا هوجوم لاری داوام ائدیر
ایسراییل اوردوسونون غزه زولاغینین مرکزی و گونئییندهکی شهرلره گئجه ساعاتلاریندا حیاتا کئچیردیگی هوجوملاردا ان آزی 18 فیلیسطینلی حیاتینی ایتیریب.
ایسراییل اوردوسونون غزه زولاغینین مرکزی و گونئییندهکی شهرلره گئجه ساعاتلاریندا حیاتا کئچیردیگی هوجوملاردا ان آزی 18 فیلیسطینلی حیاتینی ایتیریب.
فیلیسطین-ین وفا خبر آژانسینین معلوماتینا گؤره، ایسراییل اوچاق لاری غزه-نین مرکزی حیسهسیندهکی دیرالبلاح، گونئیده خان یونوس شهرینه و غزه-دهکی المغازی قاچقینلار دوشرگهسینه هوجوملار حیاتا کئچیریب.
ایسراییل ساواش اوچاق لارینین دیرالبلاح شهری و مرکزی بؤلگهلره تشکیل ائتدیگی هوجوملاردا اکثریتی اوشاق و قادین اولان ان آزی 18 فیلیسطینلی حیاتینی ایتیریب، اونلارلا اینسان یارالانیب.
غزه-ده المغازی قاچقینلار دوشرگهسینه ائدیلن هوجوملاردا اؤلن و یارالانانلار دا اولوب.
ایشغال اوردوسونا مخصوص اینسانسیز هاوا آراجی خان یونوس شهرینده غزه آوروپا خستهخاناسینین باغینی و شهردهکی علم و تکنولوژی فاکولتهسینین بینالارینی دا بومبالاییب.
"حماس"ین سلاحلی قانادی عزالدین قسام گردان لاری 7 اوکتبر 2023-جو ایل تاریخینده "القصی مسجیدی باشدا اولماقلا فیلیسطینلیلره و مقدس دگرلره قارشی داواملی پوزونتولارا جاواب وئرمک" سببی ایله ایسراییله قارشی هرطرفلی هوجوما کئچیب.
ایسراییل اوکتبرین 7-ده باش وئرن هوجوملاردا 1200 ایسراییللینین اؤلدوگونو، 5132 نفرین یارالاندیغینی آچیقلاییب.
ایسراییلین غزه زولاغینا تشکیل ائتدیگی هوجوملاردا ان آزی 10 مینی اوشاق و 7 مینی قادین اولماقلا 22 مین 835 فیلیسطینلی حیاتینی ایتیریب. داغینتیلار آلتیندا مینلرله اؤلو اولدوغو بیلدیریلیر.
ایسراییل اوردوسو غزه زولاغینا هوجوملارین باشلادیغی 7 اوکتبرین بری 510 عسگرینین اؤلدورولدوگونو آچیقلاییب.
توققوشمالاردا "اینسانی فاصیله" زامانی 81 ایسراییللی و 240 فیلیسطینلی اسیر قارشیلیقلی شکیلده آزاد ائدیلیب.