ایسرائیل، نصیرات سیغینماچی دوشرگهسینی ووردو
غزه زولاغیندا یئر آلان نصیرات سیغینماچی دوشرگهسینه تشکیل ائدیلن هاوا سالدیریسیندا ایلک بیلگیلره گؤره ۱۸ فیلیسطینلی حیاتینی ایتیردی
ایسرائیل گوجلرینین محاصره آلتینداکی غزه زولاغیندا یئر آلان نصیرات سیغینماچی دوشرگهسینه تشکیل ائتدیگی هاوا سالدیریسیندا ایلک بیلگیلره گؤره ۱۸ فیلیسطینلی حیاتینی ایتیردی.
غزهدهکی ایچ ایشلری باخانلیغیندان وئریلهن یازیلی آچیقلامایا گؤره، ایسرائیل، نصیرات سیغینماچی دوشرگهسینده فیلیسطینلی "شهاده" عائلهسینین ائوینی هدف آلدی.
سؤزو گئدن سالدیریدا ۱۸ فیلیسطینلی حیاتینی ایتیردی.
سالدیری سببی ایله فیلیسطینلی "شهاده" عائلهسینین ائوی ییخیلارکن، اطرافداکی بینالاردا دا خسارت میدانا گلدی.
ساغلیق اکیبلرینین ییخینتی آلتیندا آختارما قورتارما ایشلرینی داوام ائتدیردیگی، یارالیلارین ایسه الاقصی خستهخاناسینا آپاریلدیغی بیلدیریلدی.
حماسین سلاحلی قانادی عزالدین قسام توغایلاری، ۷ اکتبر سحری، ایسرائیلین فیلیسطینلیلره و باشدا مسجد الاقصی اولماق اوزره قوتسال دگرلرینه قارشی داواملی پوزونتولارینا جاواب وئرمه سببی ایله گئنیش سالدیری تشکیل ائدرکن، ایسرائیل اوردوسو دا غزه یولاغینا آغیر هاوا بومباردمانی باشلاتمیشدی.
ایسرائیلین غزهیه قارشی سالدیریلاریندا هر ایکی طرفدن مینلرجه جان ایتکیسی وار.