حماس ایسرائیله موشک سالدیریسی گئرچکلشدیردی
غزه یولاغینداکی سالدیریلارا قارشیلیق اولاراق، تلآویو، یافا و ایشغال آلتینداکی اردن چایینین باتی ساحیلینه قارشی چوخ ساییدا موشک سالدیریسی گئرچکلشدیریلدیگی ایفاده ائدیلدی
حماسین سلاحلی قانادی عزالدین القسام توغایلاری، ایسرائیلین غزه سالدیریلارینا قارشیلیق اولاراق تلآویو و یافایا موشک سالدیریسی گئرچکلشدیردیگینی بیلدیردی.
قسام توغایلاری، تلگرام کانالی اوزریندن یازیلی بیر آچیقلاما وئردی.
آچیقلامادا، غزه یولاغینداکی سالدیریلارا قارشیلیق اولاراق، تلآویو، یافا و ایشغال آلتینداکی اردن چایینین باتی ساحیلینده اولان یهودی یئرلهشیم یئرلرینه قارشی چوخ ساییدا موشک سالدیریسی گئرچکلشدیریلدیگی ایفاده ائدیلدی.
یئرلی قایناقلاردان آلینان بیلگییه گؤره ده آتیلان موشکلر سببی ایله تلآویو و یافا داخیل اولماق اوزره ایسرائیلده بیر چوخ نقطهده آژیر چالدی.
غزهدن آتیلان موشکلرین بؤیوک اکثریتی ایسرائیله عاید "دمیر قوبه" سیستمی طرفیندن هاوادا یوخ ائدیلسه ده بعضیلری تلآویوده بعضی بؤلگهلره اصابت ائتدی.
بو آرادا قسام توغایلاری، ایسرائیلین غزه زولاغینا سالدیریلاریندا بو آنا قدر اللریندهکی ایسرائیللی اسیرلردن ۵۰سینین اؤلدوگونو بیلدیردی.
قسام توغایلاری سؤزچوسو ابو عبیده ۱۶ اکتبردا وئردیگی آچیقلامادا، اللرینده آرالاریندا اوست سویه عسگرلرین ده اولدوغو ۲۰۰ ایله ۲۵۰ آراسیندا اسیر اولدوغونو، ایسرائیلین غزهیه قارشی سالدیریلاریندا ۲۲ اسیرین حیاتینی ایتیردیگینی بیلدیرمیشدی.
ایسرائیل ایسه، اسیرلرین موبادیلهسی اوچون آنلاشمانی دگرلندیرمهیه حاضر اولدوغونو بیلدیردی.
ایسرائیل دؤولت تلویزیونو کانین خبرینه گؤره ایسرائیل، قطر و مصرین آرالاریندا اولدوغو آراچیلارا، غزه یولاغینداکی فیلیسطینلی قروپلارلا گئنیش میقیاسلی بیر موبادیله آنلاشماسینی دگرلندیرمهیه حاضر اولدوغو بیلگیسینی چاتدیردی.
خبرده، اولاسی بیر آنلاشمانین "حماسین الینده اولان چوخ ساییداکی اسیرین سربست بوراخیلماسینی احتیوا ائتدیگی" بیلگیسینه یئر وئریلدی.
حماسین شرطلرینین ایسه "غزهیه یاناجاق گیریشینه ایجازه وئریلمهسی، فیلیسطینلی توتوقلولارین سربست بوراخیلماسی و آتیشکس" اولدوغو قید ائدیلدی.
حماسین عسگری قانادی قسام توغایلاری، ۷ اکتبر جمعهائرتهسی گونو اسرائیله "الاقصی توفانی" آدلی احاطهلی بیر سالدیری باشلاتدیغینی بیلدیرمیشدی. غزهدن اسرائیله مینلرجه راکت آتیلارکهن سلاحلی قروپلار دا بؤلگهدهکی یئرلهشیم یئرلرینه گیرمیشدی.
اسرائیل اوردوسو دا ساواش اوچاقلاری ایله غزهیه دمیر قیلینجلار عملیاتی باشلاتدیغینی آچیقلامیشدی.