زلنسکی: روسیایا قارشی سالدیری یاواش ایرلیله‌ییر
زلنسکی، لاتین آمریکا مطبوعات قورولوشلارینا وئردیگی مصاحیبه‌ده، گونجل قونولارا باغلی آچیقلاما وئردی
اوکراینا دؤولت باشقانی ولودیمیر زلنسکی، اؤلکه‌سینین روسیایا قارشی باشلاتدیغی قارشی سالدیرینین "چتین" و "یاواش" ایرلیله‌دیگینی بیلدیردی.
زلنسکی، لاتین آمریکا مطبوعات قورولوشلارینا وئردیگی مصاحیبه‌ده، گونجل قونولارا باغلی آچیقلاما وئردی.
اوکراینا اوردوسونون روس عسگری گوجلرینه داها اؤنجه قارشی سالدیری باشلاتدیغینا دقت چکه‌ن زلنسکی،
"سالدیری چتین و احتیمالا بعضیلرینین ایستدیگین‌دن داها یاواش ایرلیله‌ییر" دئدی.
اللرین‌ده‌کی سلاحلارین یئترسیز و بو سببله ساواشین "چوخ چتین" اولدوغونو ایفاده ائد‌ن زلنسکی، روسیانین اوکراینا تورپاقلارین‌دان چیخماسی لازیم اولدوغونو وورغولادی.
زلنسکی،
"اوکراینا، ساواشی روس تورپاقلارین‌دا داوام ائتدیرمه‌یی پلانلامیر. بئله بیر هدفیمیز هئچ بیر زامان اولمادی. اؤز تورپاقلاریمیزی ایشغال‌دان قورتاراجاغیق" دئیه دانیشدی.
۲۴ فوریه ۲۰۲۲ده روسیا دؤولت باشقانی ولادیمیر پوتین، اوکراینانی ایشغالین امرینی وئرمیش، بئله‌جه روسیا-اوکراینا ساواشی باشلامیشدی.
پوتین، کیئوین ناتو عضولوگونو مانعه تؤرتمک و اونو روسیانین تأثیر ساحه‌سی ایچین‌ده توتماق اوچون اؤلکه‌نین عسگرسیزلشدیریلمه‌سینی و نازی‌دن آریندیریلما‌سینی آماجلادیغینی سؤیله‌میشدی.
