عربیستانین تهران ائلچیلیگی فعالیته باشلادی
سعودی عربیستانین ایرانین باشکندی تهران‌داکی ائلچیلیگی، ۶ آگوست اعتیبارییلا فعالیتلرینه رسمی اولاراق باشلادی
سعودی عربیستانین تهران ائلچیلیگینین ۷ ایل آرادان سونرا یئنیدن رسمی اولاراق فعالیته باشلادیغی بیلدیریلدی.
ایران رسمی خبر آژانسی ایرنایا گؤره، سعودی عربیستانین ایرانین باشکندی تهران‌داکی ائلچیلیگی، ۶ آگوست اعتیبارییلا فعالیتلرینه رسمی اولاراق باشلادی.
سعودی عربیستان‌دان بو قونویا باغلی هله آچیقلاما وئریلمه‌دی.
سعودی عربیستان‌دا ۲ ژانویه ۲۰۱۶دا آرالارین‌دا شیعه دین آدامی نمر النیمرین ده اولدوغو ۴۷ نفر "ترور" سوچلاماسییلا اعدام ائدیلمیشدی.
سعودی عربیستانین تهران ائلچیلیگی و مشهد شهرین‌ده‌کی کونسوللوق بیناسی، ایران‌داکی گؤستریچیلر طرفیندن یاندیریلمیشدی.
بو سالدیریلارین آردین‌دان سعودی عربیستان رهبرلیگی، ۳ ژانویه ۲۰۱۶دا ایران ایله دیپلوماتیک ایلیشکیلرینی کسدیگینی بیلدیرمیشدی.
ایران خاریجی ایشلر باخانی حسین امیرعبداللهیان ایله سعودی عربیستان‌لی قونومدااشی فیصل بن فرهان، ۶ آوریل‌ده چینین باشکندی پکن‌ده بیر آرایا گلمیش و ایکی اؤلکه ائچیلیکلرینین یئنیدن آچیلماسی، ایکی اؤلکه آراسین‌داکی اوچوشلارین یئنیدن باشلادیلماسی و ویزالارین آسانلاشدیریلماسی قونوسوندا آنلاشمیشدی.
ایران، ۲۳ می‌ده خاریجی ایشلر باخان کؤمکچی‌سی علی رضا عنایتینین ریاض ائلچیسی اولاراق تعیین ائدیلدیگینی آچیقلامیش و ریاض ائلچیلیگینی ۶ ژوئنده یئنیدن آچمیشدی.
