آنا مالیار: "210،5 کیلومتر مربع اراضی آزاد ائدیلدی"
مالیار سوسیال مئدیا حسابیندان ائتدیگی پایلاشیمدا گونئی و دوغو جبههلریندهکی وضعیتی دیرلندیریب.
![آنا مالیار: "210،5 کیلومتر مربع اراضی آزاد ائدیلدی"](http://cdn.trt.net.tr/images/xlarge/rectangle/bc02/b6ee/9b22/64b4fde80ef85.jpg?time=1718458736)
اوکراینا ساوونما ناظیرینین معاوینی آنا مالیار بیلدیریب کی، ژوئنین اولیندن اوردونون عکس-هوجوما باشلاماسیندان سونرا عمومیلیکده 210،5 کیلومتر مربع اراضینی آزاد ائدیبلر.
مالیار سوسیال مئدیا حسابیندان ائتدیگی پایلاشیمدا گونئی و دوغو جبههلریندهکی وضعیتی دیرلندیریب.
اوکراینا ساوونما قوهلرینین گونئی ینده ملیتوپل و بردیانسک ایستیقامتلرینده هوجوم عملیاتلارینی داوام ائتدیردیگینی بیلدیرن مالیار اوکراینا قوشونلارینین ماکاریوکا-استارومایورسکه، نووداریوکا-پریوتنه، مالا توکماچا-نووپوکرووکا، پیزواتیوهاتکی ایستیقامتلرینده هوجوم عملیاتلاری حیاتا کئچیردیگینی و و اوغورلو اولدوغونو دئییب.
اوکراینا اوردوسونون سون بیر هفتهده ساوونما خطیندن روسیا قوشونلارینین یئرلشدیگی درینلیکلره قدر ایرلیلدیگینی قئید ائدن مالیار (گونئی ده) سون بیر هفتهده آزاد ائدیلن اراضی 10،9 کیلومتر مربع آرتیب" ایفادهسینی ایشلدیب.
جولایین 10-16-دا تاوریا ایستیقامتینده روسلارا مخصوص 134 سلاح و آراج، 36 دؤیوش تجهیزاتی، 2 یاناجاق مخزنی، بعضی ماشین و سیستملرین محو ائدیلدیگینی بیلدیرن مالیار 50 روسیا عسگرینین اسیر گؤتورولدوگو بارهده معلومات پایلاشیب.
سون بیر هفتهده دوغو و گونئی ده حیاتا کئچیریلن هوجوم عملیاتلاری نتیجهسینده تخمینن 18 کیلومتر مربع اراضینین خلاص ائدیلدیگینی ایفاده ائدن مالیار "هوجوم باشلایاندان بری جمعی 210،5 کیلومتر مربع اراضی خلاص ائدیلیب" دئییب.