خامنهایدن نووه آنلاشماسی یورومو
"آنلاشمادا یانلیش بیر شئی یوخ آنجاق نووه صنایعمیزین آلت یاپیسینا توخونولمامالیدیر"
ایران دینی لیدئری علی خامنهای، اؤلکهنین نووه آلت یاپیسینا توخونولمادیغی مدتجه باتی ایله نووه بیر آنلاشمانین ممکن اولدوغونو سؤیلهدی.
ایران دؤولت تلویزیونونون خبرینه گؤره خامنهای، باشکندتهراندا میللی اتم انرژیسی قورومو چالیشانلارینی و نووه بیلیم اینسانلارینی قبول ائتدیگی مراسمده دانیشدی.
اؤلکهسینین نووه ساحهسینده اؤنملی قازانیملار الده ائتدیگینی ایفاده ائدن خامنهای، ۲۰۱۵ده ایمضالانان آنجاق آمریکا بیرلشمیش دؤولتلرینین تک طرفلی چکیلمهسیندن سونرا تطبیق اولونابیلمهیهن نووه آنلاشماسینا ایشاره ائتدی.
خامنهای، "اؤنجهکی ایللرده نووه صنایعی ایدارهچیلری و مسئوللاری اؤلکهده اؤنملی نووه آلت یاپیلار میدانا گتیردی. (نووه) آنلاشماسیندا یانلیش بیر شئی یوخ آنجاق نووه صنایعمیزین آلت یاپیسینا توخونولمامالیدیر" دئدی.
ایرانین نووه فعالیتلرینین عسگری مقصدلی اولدوغونا دایر سوچلامالاری رد ائدن خامنهای، "آمریکا استخبارات جامعهسینین سون آیلار دا داخیل اولماق اوزره بیر چوخ دفعه ایرانین نووه سلاح چیخارما ایستیقامتینده بیر آددیم آتمادیغی گئرچگینی قبول ائتدیگی کیمی بیزیم نووه سلاح آرخاسیندا اولمادیغیمیزی اؤزلری ده بیلیر" دئیه دانیشدی.
خامنهای، کوتلوی قیرغین سلاحلارینین ایسلامدا یئری اولمادیغینی ایفاده ائدرک،
"بو ایسلامی بیر تمل اولماسایدی و بیزیم نووه سلاح چیخارما ایرادهمیز اولسایدی بونو ائدردیک. دوشمنلر ده بیزی دوردورابیلمهیهجکلرینی بیلیر" ایفادهلرینی ایشلتدی.