خرسوندا سو سویه‌سی دوشدو
"سویون گئجه بویونجا ۲۰ سانتیمتر دوشدوگونو گؤروروک. سحر اعتیبارییلا بؤلگه‌ده سو سویه‌سی ۵،۳۸ متر"
اوکراینادا خرسون بؤلگه‌سی عسگری یؤنه‌تیم باشقانی آلکساندر پروکودین، کاخوفکا سدینین وورولماسی نتیجه‌سینده خرسون بؤلگه‌سین‌ده یوکسه‌له‌ن سو سویه‌سینین ۲۰ سانتیمتر دوشدوگونو بیلدیردی.
پروکودین، سوسیال مئدیا حسابیندان ائتدیگی گؤرونتلو آچیقلامادا، سئل‌دن تأثیرلنه‌ن خرسون بؤلگه‌سین‌ده‌کی سون وضعیتی دگرلندیردی.
سو سویه‌سین‌ده دوشمه میلینین گؤزلندیگینی ایفاده ائد‌ن پروکودین،
"سویون گئجه بویونجا ۲۰ سانتیمتر دوشدوگونو گؤروروک. سحر اعتیبارییلا بؤلگه‌ده سو سویه‌سی ۵،۳۸ متر. خرسون شهرین‌ده ۵،۳۵ متر سویه‌سین‌ده‌دیر" بیلگیسینی پایلاشدی.
پروکودین، بؤلگه‌ده‌کی ۳۲ یئرلشیم یئرین‌ده ۳ مین ۶۲۴ ائوین سو آلتین‌دا قالدیغینی، ۲ مین ۳۵۲ نفر و ۵۵۰یه یاخین حیوانین چیخاریلدیغینی ایضاح ائتدی.
اوکراینا هیدرو انرژی مرکزلری قورولوشونون (اوکرگیدرونرگو) سوسیال مئدیا حسابیندان وئریله‌ن آچیقلامادا دا کاخوفکا سدینده‌کی سو سویه‌سینین دوشمه‌یه داوام ائتدیگی ایفاده ائدیلدی.
یئرلی ساعاتلا ۰۸.۰۰ اعتیبارییلا سدین نیکولپول شهری یاخینلارین‌داکی سو سویه‌سینین ۱۱،۷۴ متر اولدوغو بیلدیریلن آچیقلامادا،
"سون بیر گون‌ده سدده‌کی سو سویه‌سی ۱ متر داها دوشدو. ۶ ژوئن سحرین‌دن بو یانا سو ۴،۷ متر آزالدی" ایفاده‌سی ایشله‌دیلدی.
