ولودیمیر زلنسکی دونتسک-ده اوکراینا‌لی عسگرلره باش چکیب
اوکراینا پرزیدنتی ولودیمیر زلنسکی دونتسک ویلایتینده اوکراینا‌لی عسگرلره باش چکیب.
اوکراینا پرزیدنتی ولودیمیر زلنسکی دونتسک ویلایتینده اوکراینا‌لی عسگرلره باش چکیب.
اوکراینا پرزیدنت‌لیگی‌نین رسمی سایتیندا وئریلن آچیقلامایا گؤره، زلنسکی بو گون قئید اولونان دنیز پیادالاری (تفنگ‌داران دریایی) گونو ایله علاقه‌دار دونتسک ویلایتی‌نین "مارینکا" و "اوگلدار" شهرلری ایستیقامتینده اوکراینا اوردوسونون اؤن موضع لرینده اولان عسگرلرله گؤروشوب.
فرمانده لردن جبهه‌ده‌کی حادثه‌لرله باغلی معلومات آلان زلنسکی بیلدیریب کی، اوکراینا دنیز پیادالاری دوشمنه قارشی افکتیو دؤیوشور.
زلنسکی اوکراینا دنیز پیادالارینین پتانسیلی‌نین اهمیت‌لی درجه‌ده آرتیریلماسی - دنیز پیادا کورپوسونون یارادیلماسی باره‌ده قرارین قبول ائدیلدیگینی آچیقلاماق شرفینه نایل اولدوغونو وورغولاییب. ولودیمیر زلنسکی قئید ائدیب کی، دنیز پیادا‌لارینی معاصر سلاح‌لار ایله تجهیز ائده‌جک‌لر.
ولودیمیر زلنسکی سفری زامانی بعضی اوکراینا عسگرلرینه دؤولت مدال‌لاری تقدیم ائدیب.
