جوزف بورل ایله امیرعبداللهیان آراسیندا تلفون دانیشیغی اولوب

آوروپا بیرلیگی‌نین نوماینده‌سی ایران خاریجی ایشلر ناظیری ایله تلفونلا دانیشیب، سوئد وطنداشی‌نین اعدامینی پیسله‌ییب.

آوروپا بیرلیگی‌نین خاریجی سیاست و تهلوکه‌سیزلیک مسئله‌لری عالی نوماینده‌سی جوزپ بورل ایرانین خاریجی ایشلر ناظیری امیرعبداللهیان ایله تلفونلا دانیشیب.

بونو آوروپا‌لی دیپلومات توییترده یازیب.

او، تلفون دانیشیغی زامانی ایران اصیل‌لی سوئد وطنداشی حبیب چعب‌ین اعدامینی قطعیت ایله پیسله‌ییب:

"من همچنین آلمان وطنداشی جمشید شارمهدی اعدام ائتمه‌مگی خواهیش ائتدیم".

طرف‌لر قارشی‌لیق‌لی امکداش‌لیغی دا موذاکیره ائدیب: "ایران بو امکداش‌لیغی داوام ائتدیرمه‌لی، روسیانین اوکراینایا قارشی محاربه‌سینی دستکله‌مگی دایاندیرما‌لی‌دیر".