خامنهای رفراندوم اؤنریسینه قارشی چیخدی
"اؤلکهنین موختلیف مسئلهلری رفراندوما قونو اولابیلمز چونکو هر رفراندوم ۶ آی بویونجا بوتون اؤلکهنی ماراقلاندیریر"
ایران لیدئری آیتالله علی خامنهای، اؤلکهدهکی پروبلئملره باغلی بعضی کسیملر طرفیندن زامان زامان گوندمه گتیریلهن رفراندوم تکلیفلرینه قارشی چیخدی.
ایران دؤولت تلویزیونونون خبرینه گؤره، خامنهای، دونن آخشام اؤلکهدهکی اؤیرنجی درنکلرینین نمایندهلرینی قبول ائتدی.
اؤلکهنین موختلیف مسئلهلرینی قرارا باغلاماق اوچون رفراندوم ائدیلمهسینه باغلی زامان زامان گوندمه گلن طلبلرین سوروشولماسی اوزرینه خامنهای،
"اؤلکهنین موختلیف مسئلهلری رفراندوما قونو اولابیلمز چونکو هر رفراندوم ۶ آی بویونجا بوتون اؤلکهنی ماراقلاندیریر. آیریجا، دونیانین هاراسیندا بوتون مؤوضوعلاردا رفراندوم ائدیرلر؟" ایفادهلرینی ایشلتدی.
خامنهای،
"خالقین سؤزو اوچون بیر مکانیزم وار. یعنی بیر شخصی باشقان سئچرلر، میللت وکیللرینی سئچرلر. بو خالقین سؤزودور، خالقین سؤزو بئله آیدین اولار" دئدی.
ایراندا سون ایللرده بعضی کسیملر رهبرلیک سیستمینین ده مؤوضوع ائدیلهبیلهجگی رفراندوم تشکیل ائدیلمهسینین لزوموندان دانیشیر.
رفراندومو ساوونانلار آراسیندا اسکی جمهورباشقانی حسن روحانی ده وار. روحانی، ۲۰۱۸ده انقیلاب قوتلانالاری سیراسیندا ائتدیگی دانیشمادا، اؤلکهده بؤلونمهلری آرادان قالدیرماق مقصدی ایله بیر رفراندوم ائدیلمهسینی تکلیف ائتمیشدی.
اؤلکهده ۲۰۰۹داکی جمهورباشقانلیغی سئچیملریندن سونرا چیخان حادثهلر سونراسیندا ائو حبسینه آلینان میرحسین موسوی ده فوریه آییندا وئردیگی آچیقلامادا،
"ایرانی قورتارماق اوچون" یئنی بیر سیستمین قورولماسینی، یئنی بیر آنایاسا حاضرلانماسینی و آنایاسا اوچون رفراندوم ائدیلمهسینی طلب ائتمیشدی.
ایلگیلیلی خبرلر
ایسرائیل، جنینه باسقین تشکیل ائتدی
ایسرائیل اوردوسو، جنینه باسقین تشکیل ائدرک بوراداکی سیغینماچی دوشرگهسینی محاصره ائتدی