ایران، ۲ آلمان دیپلوماتی ایستهنمهیهن آدام اعلان ائتدی
"بعضی طرفلرین اؤلکهمیزین قانونلارینی و میللی اگمنلیگینی گؤز آردی ائتمک ایستهمهسی دوروموندا آلترناتیو واریانتلارین تانیملانماسی قاچینیلمازدیر"
ایران، آلمانیانین تهران ائلچیلیگیندهکی ۲ دیپلوماتی ایستهنمهیهن آدام اعلان ائتدی.
ایران خاریجی ایشلر باخانلیغی سؤزچوسو دؤینک کنعانی، یاییملادیغی یازیلی آچیقلامادا، آلمانیانین تهران ائلچیسینین خاریجی ایشلر باخانلیغینا چاغیریلدیغینی بیلددیردی.
کنعانی، برلین یؤنهتیمینین "ایرانین ایچ ایشلرینه قارشی موداخیلهچی و مسئولیتسیز حرکتلرینین" آردیندان اؤلکهدهکی ۲ آلمانیالی دیپلوماتین ایستهنمهیهن آدام اعلان ائدیلدیگینی و بو وضعیتین آلمان ائلچیسینه چاتدیریلدیغینی قید ائتدی.
ایرانین اؤنجهلیگینین هر زامان قارشیلیقلی سایغی چرچیوهسینده ایلیشکیلری داوام ائتدیرمک اولدوغونو ایفاده ائدن کنعانی،
"بعضی طرفلرین اؤلکهمیزین قانونلارینی و میللی اگمنلیگینی گؤز آردی ائتمک ایستهمهسی دوروموندا آلترناتیو واریانتلارین تانیملانماسی قاچینیلمازدیر" ایفادهلرینی ایشلتدی.
ایران، آمریکا بیرلشمیش دؤولتلری مرکزلی رژیم قارشیدی بیر هؤرگوتون لیدئری اولدوغو ادعا ائدیلهن و اؤلکهده "ترور حرکتلری تشکیل ائتمکله" سوچلانان ایران-آلمانیا ایکیلی وطنداشی جمشید شارمهدی ۲۱ فوریهده اعداما محکوم ائتمیشدی.
آلمانیا، ۲۲ فوریهده قرارا تپکی اولاراق ایرانین برلین ایشگۆدرینی خاریجی ایشلر نباخانلیغینا چاغیرمیش و ایران ائلچیلیگینین ۲ چالیشانینی ایستهنمهیهن آدام اعلان ائدرک اؤلکهدن آیریلمالارینی ایستهمیشدی.
ایران ایسه آلمانیانی اؤلکهنین ایچ ایشلرینه قاریشماقلا سوچلامیشدی.