تورکیه-ده زلز‌له نتیجه‌سینده هلاک اولان‌لارین سایی 2921 نفره چاتیب

تورکیه-ده زلز‌له نتیجه‌سینده هلاک اولان‌لارین سایی 2921 نفره، یارا‌لانان‌لارین سایی ایسه 15 مین 834 نفره چاتیب.

طبیعی فلاکت‌لر و فوق العاده  حال‌لار ایداره‌سی‌نین (آفاد) صدری یونوس سئزر مرکزی قهرمان ماراش ویلایتی اولان زلز‌له‌لرده 2921 نفرین حیاتینی ایتیردیگینی، 15 مین 834 نفرین ایسه یارالاندیغینی آچیقلاییب.

زلز‌له‌ده 6 مین 217 بینانین دا داغیلدیغی بیلدیریب.

قئید ائدک کی، تورکیه فوریه‌نین 6-دا یئرلی واختلا ساعات 04:17-ده قهرمان ماراش ویلایتی‌نین پازارجیق قصبه‌سینده 7،7 شدتینده، ساعات 13:24-ده ایسه ائلبیستان قصبه‌سینده 7،6 شدتینده ایکی زلز‌له ایله سارسیلدی.